यंदा अपक्ष उमेदवारांचे पेव फुटले!

मुंबईत ५० जण निवडणूक रिंगणात; चर्चेत नसलेल्या पक्षांचीही भाऊगर्दी
Mumbai Lok Sabha Consituency Elections
Mumbai Lok Sabha Consituency Electionsesakal

Mumbai Lok Sabha Constituency : देशभरात लोकसभा निवडणुकीचे वारे वाहत आहे. अश्यात मुंबईतील सर्वच लोकसभा मतदारसंघात अपक्ष उमेदवारांचे पेव फुटले आहे. सर्व सहा मतदारसंघांत ११६ उमेदवार निवडणूक लढवत असून त्यामध्ये अपक्षांची संख्या तब्बल ५० एवढी मोठी आहे. त्याचबरोबर कधीही चर्चेत नसलेल्या पक्षांचे उमेदवारही आपले नशीब आजमावत आहेत. त्यामुळे या मत उत्सवात कोण कोणाला मात देणार, कोण कोणाची मते खाणार, याकडे सर्वांचे लक्ष लागले आहे.

Mumbai Lok Sabha Consituency Elections
Mumbai Loksabha Election : मुंबईत लोकसभा निवडणूक रिंगणात ११६ उमेदवार; आठ उमेदवारांची माघार

मुंबई शहर आणि उपनगरात सहा लोकसभा मतदारसंघ असून त्यासाठी २० मे रोजी मतदान होणार आहे. त्या पार्श्वभूमीवर उमेदवारी अर्ज भरण्याची प्रक्रिया पूर्ण झाल्यानंतर सोमवारी उमेदवारी अर्ज मागे घेण्याचा अंतिम दिवस होता. त्यानुसार आठ अपक्ष उमेदवारांनी आपले उमेदवारी अर्ज मागे घेतले आहेत. त्यामुळे निवडणूक रिंगणात ११६ उमेदवार असून त्यामध्ये ६६ उमेदवार वेगवेगळ्या राजकीय पक्षांचे तर ५० उमेदवार अपक्ष आहेत.

लोकसभा निवडणुकीच्या रणधुमाळीत मुंबईतील सर्व सहा मतदारसंघांत मुस्लिम समाजाचे सर्वाधिक २८ उमेदवार निवडणूक रिंगणात आहेत. त्यामध्ये १७ उमेदवार वेगवेगळ्या पक्षाकडून तर ११ उमेदवार अपक्ष आहेत.

Mumbai Lok Sabha Consituency Elections
Mumbai Lok Sabha Election : मतदात्यांसाठी मतदान केंद्रावर थंडा थंडा कूल कूलची व्यवस्था!

अपक्षांची संख्या मोठी का?

निवडणूक आखाड्यात अनेक प्रमुख राजकीय पक्षांकडून प्रतिस्पर्धी उमेदवाराला शह देण्यासाठी नामसाधर्म्य असलेल्या उमेदवारांना निवडणूक रिंगणात उतरवले जाते. तसेच समोरील उमेदवाराला एखाद्या विभागात मिळणारी मते किंवा समाजाच्या मतांची विभागणी करण्यासाठी अनेकदा अपक्ष उमेदवारांना पुढे करण्याची खेळी केली जाते. तीच युक्ती अनेकांनी मुंबईत लढवल्याचे दिसत आहे.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com