INDIA आघाडीची बैठक सुरू असलेल्या 'ग्रँड हयात' हॉटेलमधील रुमचं एका दिवसाचं भाडं किती?

मुंबई : देशातील विरोधी पक्षांच्या इंडिया आघाडीची आज आणि उद्या मुंबईत बैठक होत आहे. मुंबईतील प्रसिद्ध असलेल्या ग्रँड हयात या हॉटेलमध्ये ही बैठक होणार असून या बैठकीमध्ये देशातील ११ राज्याचे मुख्यमंत्री आणि अनेक विरोधीपक्षातील नेते उपस्थित राहणार आहेत.

इंडिया आघाडीतील नेत्यांनी या बैठकीसाठी मोठा खर्च केल्याचा आरोप शिंदे गटातील नेत्याकडून करण्यात आला आहे. त्याचबरोबर देशभरातील नेत्यांच्या सोयीसाठी ग्रँड हयातमध्ये १९७ खोल्या बुकिंग केल्याची माहिती मिळाली आहे. तर हे संपूर्ण हॉटेल २५० खोल्यांचे आहे.

जवळपास ८० टक्के खोल्या इंडिया आघाडीकडून बुकिंग करण्यात आल्या आहेत. पण या खोल्यांचे एका दिवसांचे भाडे किती आहे यासंदर्भात आपल्याला माहिती आहे का? चला तर या खोल्यांचे भाडे जाणून घेऊयात...

ग्रँड हयात या हाॅटेलच्या वेबसाईटवर खोल्याची किंमत पुढील प्रमाणे

• या हॉटेलमधील प्रत्येक 1 bed खोलीचे एका रात्रीचे भाडे अंदाजे १५ हजार ५०० इतके आहे. यामध्ये नाश्त्याचा सुद्धा सामावेश आहे.

• 2 bed खोलीची किंमत अंदाजे १५ ते २० हजार आहे. नाशत्यासह

• 3 bed खोलीची किंमत अंदाजे ३१ ते ३७ हजार इतकी आहे. नाशत्यासह

• 4 bed खोलीची किंमत अंदाजे ५२ हजार ते ५७ हजार इतकी आहे. नाश्ता व जेवणासह