"कसारा लोकलचा 'खोळंबा' आता इतिहास जमा होणार!" खर्डी-कसारा तिसरी मार्गिका सज्ज; १२ मे पासून हाय-व्होल्टेज वारे.
नितीन बिनेकर
मुंबई : कल्याण-कसारा मार्गावर दररोज प्रवास करणाऱ्या लाखो प्रवाशांसाठी दिलासादायक बातमी आहे. तिसऱ्या मार्गिकेचे काम आता निर्णायक टप्प्यात पोहोचले असून खर्डी ते कसारा दरम्यानचे सुमारे १३ किलोमीटरचे ओव्हर हेड वायरचे काम पूर्ण झाले आहे. या भागातील ओव्हरहेड वायर १२ मे २०२६ पासून चार्ज करण्यात येणार असल्याने या संपूर्ण पट्ट्यात लोकल तसेच मेल-एक्सप्रेस गाड्यांची वाहतूक अधिक वेगवान आणि सुरळीत होण्याचा मार्ग मोकळा होणार आहे.