esakal | P305 दुर्घटना: पाच कंपन्यांना समन्स, 10 जणांचे जबाब नोंदवले
sakal

बोलून बातमी शोधा

Barge-P305

ओळख न पटणाऱ्या 28 मृतदेहांची DNA चाचणी

P305 दुर्घटना: पाच कंपन्यांना समन्स, 10 जणांचे जबाब नोंदवले

sakal_logo
By
सकाळ वृत्तसेवा

मुंबई: तौक्ते चक्रीवादळाच्या (Cyclone Tauktae) तडाख्यात अनेक संसार उद्ध्वस्त झाले आणि अनेकांचे प्राण गेले. त्यातच, बाॅम्बे हायवरील (Bombay High) तेल उत्खनन करणऱ्या P305 हे बार्ज चक्रीवादळात बुडाले. या बार्जवरील (P305 Barge) झालेल्या दुर्घटनेप्रकरणी यलोगेट पोलिसांनी 5 कंपन्यांना समान्स (Summons) बनावले आहे. या प्रकरणी आज 10 जणांना जबाब नोंवदले आहेत. 28 मृतदेहांची (Dead Bodies) ओळख पटली नसून त्यांची DNA चाचणी करण्यात येणार असल्याचे सूत्रांनी सांगितले. (P305 Barge Accident 5 Companies Summoned 10 statements recorded 28 Dead Bodies goes under DNA Test)

हेही वाचा: रोमानियाची कंपनी BMC ला फायझरचे १ कोटी डोस देण्यास तयार पण...

दुर्घटनेप्रकरणी कॅप्टन राकेश बल्लाव इतर काही जणांविरोधात गुन्हा दाखल करण्यात आला आहे. या प्रकरणी गुन्हा नोंदविण्यात आला आहे. यलोगेट पोलिसांनी P305 तराफावरील वाचलेल्या कर्मचाऱ्यांकडून या प्रकरणाची माहिती घेतली. यावेळी चक्रीवादळाची पूर्वसूचना मिळाल्यापासून बार्ज बुडेपर्यंतचा घटनाक्रम पोलिसांनी जाणून घेण्याचा प्रयत्न केला. नौदलामुळे सुरक्षितरित्या बचावलेले शेख सध्या ताडदेव अपोलो रुग्णालयात उपचार घेत आहेत. तौक्ते चक्रीवादळाने रौद्र रुप धारण केल्याने बॉम्बे हायजवळील तेल विहिरींवर काम करणाऱ्या कर्मचाऱ्यांना राहण्यासाठी तयार केलेला P305 हा तराफा समुद्रात बुडाला.

हेही वाचा: म्युकरमायकोसिस: बुरशीच्या वेगवेगळ्या रंगांमुळे BMC हैराण

या तराफ्यावरील 26 कर्मचाऱ्यांचे मृतदेह बुधवारी रात्रीपर्यंत मिळाले होते. आणखी 23 कर्मचाऱ्यांचे मृतदेह गुरुवारी सायंकाळपर्यंत सापडले. त्यामुळे मृतांचा एकूण आकडा 49 झाला आहे. त्यातील 28 जणांची ओळख पटली नसून त्यासाठी DNA चाचणी करण्यात येणार आहे. पी 305 या तराफावर एकूण 261 कर्मचारी होते. दरम्यान, नौदलाची शोधमोहिम सुरू आहे. INS कोलकाता ही युद्धनौका बुधवारी रात्री उशिरा बचावलेले कर्मचारी आणि मृतदेह घेऊन मुंबईच्या किनाऱ्यावर आली.

हेही वाचा: Covid Update: मुंबईत गेल्या दीड महिन्यातील सर्वात कमी मृत्यू

INS बियास ही युद्धनौका आणखी काही मृतदेह घेऊन गुरुवारी मुंबईत परतली. या तराफाशिवाय वरप्रदा या नौकेलाही जलसमाधी मिळाली. त्यावरील 2 कर्मचाऱ्यांना वाचवण्यात नौदलाला यश आले असून उर्वरित 11 कर्मचारी अद्याप बेपत्ता आहेत. समुद्रात तौत्के चक्रीवादळ येणार आहे, याची पूर्वकल्पना असतानाही तराफा P305 च्या कॅप्टनने बंदरावर परत न जाता समुद्रातच राहण्याचा चुकीचा निर्णय घेतल्याची धक्कादायक माहिती समोर आली. ONGCच्या तेल उत्खनन प्रकल्पावर काम करण्याचे कंत्राट अ‍ॅफकॉन कंपनीकडे होते. याच अ‍ॅफकॉन कंपनीने नियुक्त केलेले 261 कर्मचारी तराफा P305 वर होते.