अत्यावश्यक सेवांसाठीचे पास 3 मे पर्यंत वैध

पनवेल : लॉकडाऊन'च्या कालावधीत अत्यावश्यक सेवा पुरविणाऱ्यांची अडवणूक होऊ नये, यासाठी पोलिसांकडून पुरवण्यात आलेले पास 3 मे पर्यंत वैध राहणार असल्याची माहिती परिमंडळ 2 चे पोलीस उपायुक्त अशोक दुधे यांनी दिली. 

मोठी बातमी : घ्यायला गेले गहू, रेशन दुकानदाराने विकली बांधकामातील खडी; यावर कुणाचं लक्ष आहे का ?

लॉकडाउनच्या कालावधीत अत्यावश्यक सेवा पुरवणाऱ्या वाहनांना दिलेल्या पास वर केवळ 15 एप्रिल पर्यंतचीच मुदत असल्याने अत्यावश्यक सेवा पुरवणारे पास धारक संभ्रमात होते. लॉकडाउनचा कालावधी 3 मे पर्यंत वाढवण्यात आल्याने नव्याने पास काढण्याची आवश्यकता आहे का अशी विचारणा पास धारक सातत्याने करत होते.  याबाबत उपायुक्त दुधे यांच्याशी संपर्क साधला असता आयुक्तालयाकडून देण्यात आलेले पास 3 मे पर्यंत वैध ठरणार असल्याची माहिती दुधे यांनी दिली आहे.

नक्की वाचा : डोक्यावर अक्षता पडण्याआधी आले पोलिस आणि वऱ्हाड निघालं पोलिस स्टेशनला

अत्यावश्यक सेवा देणाऱ्यांना उपलब्ध करून देण्यात आलेले पास 3 मे पर्यंत वैध ठरणार आहेत.कोणीही या पास चा गैर वापर करू नये.
- अशोक दुधे, पोलीस उपायुक्त, परिमंडळ 2