मुंबई : भायखळा येथील वीरमाता जिजाबाई भोसले उद्यान आणि प्राणिसंग्रहालयातील पेंग्विन कक्षाचा २०० चौरस फुटांनी विस्तार करण्यात येणार आहे. सध्या येथे २१ पेंग्विन असून, कक्षाचा विस्तार झाल्यानंतर ४० पक्षी सहजपणे राहतील, अशी जागा तयार करण्यात येत आहे..२०१६मध्ये दक्षिण कोरियातून आठ पेंग्विन आणण्यात आले होते. त्यापैकी एकाचा मृत्यू झाला. त्यानंतर मागील नऊ वर्षांत १४ पेंग्विनचा राणीच्या बागेत जन्म झाला. सध्या सर्वात ज्येष्ठ पेंग्विन ‘फ्लिपर’ ही १२ वर्षांची मादी असून, तिला २०१६ मध्ये केवळ तीन वर्षांची असताना मुंबईत आणले होते. तिचा जोडीदार ‘मोल्ट’ हा १० वर्षांचा असून, या जोडीने गेल्या नऊ वर्षांत चार पिल्लांना जन्म दिला आहे..Maharashtra Politics: स्थानिक स्वराज्य संस्थेच्या निवडणुकीसाठी कार्यकर्त्यांनी सज्ज राहावे - उमेश पाटील .पेंग्विनची संख्या वाढल्यामुळे त्यांना अधिक मोकळे आणि सुरक्षित वातावरण देणे अत्यावश्यक आहे. सध्या पेंग्विनसाठी सुमारे दोन हजार चौरस मीटरचा कक्ष आहे. आता त्याचा विस्तार केला जाणार असून, त्यामुळे एकूण ४० पेंग्विनसाठी जागा उपलब्ध होणार आहे..जगभरातील अनेक प्राणिसंग्रहालयांत पेंग्विन प्रजननासंबंधी समस्या येतात, परंतु मुंबईत ही समस्या उद्भवली नाही. त्यामुळेच आम्ही त्यांच्या कक्षाचा विस्तार करण्याचा निर्णय घेतल्याचे महापालिकेच्या एका वरिष्ठ अधिकाऱ्याने सांगितले. या कामासाठी एस. के. एस. इन्फ्रा प्रायव्हेट लिमिटेड या कंपनीची निवड केली असून, पुढील एका महिन्यात काम सुरू होण्याची शक्यता आहे..Government Schools: शालेय यंत्रणा गंडली, विद्यार्थी पटसंख्येत घटली; धक्कादायक आकडेवारी समोर .कामावेळी पेंग्विंन क्वारंटाइन क्षेत्रात!पेंग्विन कक्षाच्या मागील बाजूस जागा राखीव ठेवण्यात आली होती. त्यामुळे विस्ताराचे काम सोपे होणार आहे. काम सुरू असताना पेंग्विनना सध्याच्या कक्षासारखे वातावरण असलेल्या क्वारंटाइन क्षेत्रात हलवण्यात येणार आहे. या कामासाठी एक्वेरियम बांधणाऱ्या तज्ज्ञ कंपन्यांबरोबर सामंजस्य करारसुद्धा करण्यात आल्याचे अधिकाऱ्यांनी सांगितले..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
