पिकअपची धडक बसली आणि महावितरणचा पोलच वाकला | Sakal
sakal

बोलून बातमी शोधा

pickup hit MSEDCL pole bent case has been registered against driver mumbai

पिकअपची धडक बसली आणि महावितरणचा पोलच वाकला

डोंबिवली - कल्याण शीळ रोडवरील सोनारपाडा भागात महावितरणच्या मेन लाईन च्या 2 व 12 नंबरचा पोलला एका पिकअपची जोरदार धडक बसली आणि लाईटचा पोलच वाकला. रस्त्याच्या दिशेलाच लाईटचा हा मेन पोल वाकल्याने काही काळ भितीचे वातावरण निर्माण झाले होते, परंतू महावितरण अधिकाऱ्यांनी तत्काळ घटनास्थळी धाव घेत दुरुस्तीचे काम सुरु केले. यामुळे या भागातील वाहतूक संथ गतीने सुरु होती. शुक्रवारी पहाटे 4 च्या सुमारास मालवाहू बोलेरो पिकअप ने या खांबाला धडक दिली आहे. याप्रकरणी मानपाडा पोलिस ठाण्यात पिकअप चाक दिनेश नागणे (वय 26) याच्याविरोधात गुन्हा दाखल करण्यात आला आहे. या अपघातामुळे डोंबिवली व कल्याण पूर्व मधील काही भागातील वीज पुरवठा खंडीत झाला होता. पर्यायी वीज वाहिनीवरुन या भागाचा वीज पुरवठा पुर्ववत सुरु करण्यात आल्याचे महावितरणच्या वतीने सांगण्यात आले.

शुक्रवारी पहाटे 4 च्या सुमारास मालवाहू बोलेरो पिकअपने महावितरणच्या खांबाला धडक दिली आणि महावितरणचा पोल चक्क एका दिशेने झुकला. कल्याण शीळ रोडवर सोनारपाडा भागातील गॅलेक्सी समोरील महावितरणच्या मेन लाईनच्या 2 व 12 नंबरच्या पोलला या गाडीने ठोकले. या पोलवरुन डोंबिवली व कल्याण पूर्व या संपूर्ण भागास वीज पुरवठा होतो. पहाटेच लाईट गेल्याने अनेकांची झोप मोड झाली. अपघाताविषयी माहिती मिळताच महावितरण अधिकाऱ्यांनी तत्काळ घटनास्थळी धाव घेत पोल दुरुस्तीचे काम सुरु केले आहे. अपघातामुळे डोंबिवली व कल्याण पूर्व परिसरातील वीज पुरवठा काही काळासाठी खंडीत झाला होता. परंतू तत्काळ पर्यायी लाईनवरुन या भागाचा वीज पुरवठा पूर्ववत करण्यात आला. काटेमानिवली भागाला मात्र या कामाचा फटका जास्त बसून या भागातील वीज पुरवठा सुरु होण्यास विलंब लागला.

याप्रकरणी महावितरणचे सहाय्यक अभियंता तुषार भागित (वय 32) यांनी मानपाडा पोलिस ठाण्यात पिकअप चालक दिनेश नागणे याच्याविरोधात गुन्हा दाखल केला आहे. त्यांनी दाखल केलेल्या तक्रारीत म्हटले आहे की, त्यांना सकाळी 8 च्या सुमारास कार्यालयातील कर्मचारी योगेश साळवे यांचा फोन आला, त्यांनी कल्याण शीळ रोडवर घडलेल्या अपघाताची माहिती त्यांना दिली. दरम्यान तुषार यांनी कर्मचाऱ्यांसोबत घटनास्थळी जाऊन पहाणी केली असता. तेथे मेन लाईन चा पोल हा रोडच्या बाजूने झुकलेल्या अवस्थेत दिसला. वाकलेल्या पोलजवळ एक मालवाहू बोलेरो पिकअप उभा होता. त्याठिकाणी जमलेल्या लोकांनी वाहनावरील चालकाने भरधाव वेगाने वाहन चालवून पोलला धडक दिल्याचे सांगितले. महावितरण कंपनीचे 9 लाख 50 हजार रुपयांचे आर्थिक नुकसान झाले असून या चालकाविरोधात कंपनीतर्फे कायदेशीर तक्रार नोंदविण्यात येत असल्याचे म्हटले आहे. दुपारी उशीरापर्यंत महावितरणच्या वतीने पोल दुरुस्तीचे काम सुरु होते. या कामामुळे कल्याण शीळ रोडवरील या भागातील वाहतूक संथ गतीने सुरु होती.

Web Title: Pickup Hit Msedcl Pole Bent Case Has Been Registered Against Driver Mumbai

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top