मुंबै बँक निवडणुकीत शिवसेना आणि राष्ट्रवादीची युती? | Sakal
sakal

बोलून बातमी शोधा

Mumbai Bank Election

मुंबै बँक निवडणुकीत शिवसेना आणि राष्ट्रवादीची युती?

मुंबई: मुंबै बँक अध्यक्ष आणि उपाध्यक्ष निवडणुकीसाठी शिवसेना आणि राष्ट्रवादी काँग्रेसची युती होण्याची शक्यता वर्तवण्यात आली आहे. वरिष्ठ सूत्रांनी दिलेल्या माहीतीनुसार थोड्याच वेळापुर्वी सह्याद्री अतिथिगृहात अर्थ मंत्री अजित पवार आणि पर्यटन मंत्री आदित्य ठाकरे यांच्या सूचनेनुसार शिवसेना आणि राष्ट्रवादी काँग्रेसचे मुंबै बँकेतील प्रतिनिधीची एकत्र बैठक पार पडली. या बैठकीसा शिवसेना सचिव मिलिंद नार्वेकरही उपस्थित होते.

हेही वाचा: यूपीत 2017 च्या तुलनेत भाजपला मोठा विजय मिळेल - केशव प्रसाद मौर्य

बैठकीत शिवसेना आणि राष्ट्रवादी काँग्रेस युतीवर शिक्कामोर्तब करण्यात आलंय. त्यानंतर दोन्ही पक्षांनी मुंबै बँकेवरील भाजपच्या वर्चस्वाला धक्का देत सत्ता परीवर्तण करण्याची रणनीती आखल्याची माहिती मिळाली आहे. त्यानुसार आता मुंबै बँकेवर अध्यक्ष पदी सिद्धार्थ कांबळे तर उपाध्यक्ष पदी अभिषेक घोसाळकर यांची उमेदवारी जाहीर केलीय. तसेच शिवसेना आमदार सुनिल राऊत आणि शिल्पा सरपोतदार यांना महत्वाची जबाबदारी मिळणार असल्याचीही माहीती मिळतेय. थोड्याच वेळात मुंबै बँकेची अध्यक्ष आणि उपाध्यक्ष पदाची गुप्त मतदानाने निवडणूक होत आहे. यावेळी कोण कुणाच्या पारड्यात मतदान करतंय आणि कोण निवडून येतंय हे समजेल.

असं आहे पक्षीय बलाबल

  • शिवसेना +राष्ट्रवादी काँग्रेस = ११ संचालक

  • भाजप = ९ संचालक

असं मुंबै बँकेचं सत्ता समीकरण असल्यामुळे विद्यमान अध्यक्ष आणि भाजपचे विरोधी पक्ष नेते प्रविण दरेकर यांना मुंबै बँकेच्या अध्यक्ष पदावरून आता पायउतार व्हावे लागणार हे स्पष्ट झालंय.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :Mumbai NewsShiv SenaNCP
loading image
go to top