मुंबई : हिंदी व मराठी चित्रपटसृष्टीत गेली पंधरा वर्षे जनसंपर्क अधिकारी तसेच अभिनेते म्हणून काम करणारे प्रेम झांगियानी यांचे हृदयविकाराच्या तीव्र धक्क्याने काल रात्री वरळी येथील राहत्या घरी निधन झाले. ते ५४ वर्षांचे होते. त्यांचा मुलगा परदेशातून आल्यानंतर मंगळवारी (ता. २७) त्यांच्या पार्थिवावर अंतिम संस्कार करण्यात येणार आहेत.
सदा हसतमुख आणि गोड स्वभावाच्या प्रेम झांगियानी यांनी हिंदी व मराठी चित्रपटसृष्टीत जनसंपर्क अधिकारी म्हणून बऱ्याचशा चित्रपटांचे काम पाहिले होते. काही चित्रपटांचे त्यांनी मार्केटिंगही केले होते. जनसंपर्क अधिकारी म्हणून काम करीत असताना त्यांनी काही जाहिरातींमध्ये तसेच मालिकांमध्ये काम केले होते.
दिग्दर्शक तुषार जलोटा यांच्या नुकत्याच आलेल्या दसवी चित्रपटामध्ये त्यांनी काम केले होते. तसेच सिद्धार्थ आनंद दिग्दर्शित पठाण या चित्रपटात त्यांनी काम केले आहे. शिवाय दिग्दर्शक हन्सल मेहता यांच्या चित्रपटातही त्यांनी काम केले आहे. त्यांना काही वर्षांपूर्वी हृदयविकाराचा पहिला झटका आला होता. मात्र काल त्यांना दुसरा तीव्र झटका आला आणि त्यातच त्यांनी या जगाचा अखेरचा निरोप घेतला.
सध्या ते अभिनेता रितेश देशमुखचा वेड तसेच अभिनेता पुष्कर जोग व सोनाली कुलकर्णी यांची प्रमुख भूमिका असलेला व्हिक्टोरिया या चित्रपटासाठी जनसंपर्क अधिकारी म्हणून काम पाहात होते. त्यांच्या निधनाची बातमी कळताच रितेश देशमुख, जेनेलिया देशमुख, पुष्कर जोग, सोनाली कुलकर्णी आदी कलाकारांनी तसेच मराठी व हिंदी चित्रपटसृष्टीतील अनेक मान्यवर मंडळींनी शोक व्यक्त केला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.