डोंबिवली - कल्याण जवळील मलंग गडावर जाण्यासाठी फर्निक्युलर मधून आपल्या परिचयाच्या नागरिकांना प्रवास न दिल्याने प्रकल्प अधिकाऱ्याला मारहाण केल्याची घटना घडली आहे. शनिवारी सायंकाळी ही मारहाण झाली असून या घटनेचा सीसीटीव्ही व्हायरल झाला आहे.
याप्रकरणी हिललाईन पोलीस ठाण्यात तक्रार दाखल करण्यात आली आहे. सोमवारी पुन्हा मारहाण करणाऱ्या तरुणाने कार्यालयात येऊन दमदाटी केली आहे. मारहाणीच्या घटनेला तीन दिवस उलटले तरी अद्याप पोलिसांनी गंभीर दखल घेतली नसल्याने आश्चर्य व्यक्त केले जात आहे.
सत्यभ्राता दास असे मारहाण झालेल्या प्रकल्प अधिकाऱ्याचे नाव असून प्रतीक पाटील याने त्यांना मारहाण केली आहे. कल्याण जवळील श्री मलंगगडच्या फर्निक्युलरचे काम अंतिम टप्प्यात आहे. यात्रा असल्याने या फर्निक्युलर मधून काही नागरिकांनी चाचणी सुरु असल्याच्या दरम्यान आपल्या जबाबदारीवर प्रवास केला होता.
आपल्या परिचयाचे नागरिक आले असल्याने त्यांना मलंगगडावर सोडण्याची मागणी प्रतीक पाटील याने केली होती. परंतु फर्निक्युलरचे मेंटेनन्सचे काम सुरु असल्याने ती बंद ठेवण्यात आली असल्याचे प्रकल्प अधिकारी दास यांनी सांगितले. काम पूर्ण झाल्यानंतर आपल्या परिचयाच्या नागरिकांना गडावर सोडून देण्यात येईल असं सांगितलं होत.
याचा राग प्रतीक पाटील यांना आल्याने त्यांनी दास यांना मारहाण करत तुला बघून घेतो अशी धमकी दिली. त्यानंतर दास व त्यांचे कर्मचारी हे घाबरून हिललाईन पोलीस ठाण्यात तक्रार अर्ज दाखल केला आहे. मात्र सदर अर्जाला तीन दिवस उलटले तरी पोलिसांनी मात्र अद्याप गुन्हा दाखल केलेला नाही.
अनेक वर्षांच्या प्रतीक्षेनंतर मलंगगडची फर्निक्युलर भक्तांच्या सेवेत रुजू होत आहे. त्यासाठी अपूर्ण काम पूर्ण करायला गती देखील देण्यात आली आहे. मात्र स्थानिक नागरिकांकडून जबरदस्तीने आपल्या परिचयाचे असल्याचे सांगून कर्मचाऱ्यांना धमकावून मारहाणीचे प्रकार सुरु झाले आहेत. त्यामुळे अशा घटना रोखण्यासाठी पोलीस कशी दखल घेतात हे पहावे लागेल.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
