वाहनचालकांना येतोय 'नावे'तून समुद्रसफर केल्याचा अनुभव; अरे, हा तर रास्ता...

कर्जत : कर्जत-मुरबाड-शहापूर राष्ट्रीय महामार्गाचे रुंदीकरण आणि काँक्रीटीकरणाचे काम एमएमआरडीकडून हाती घेण्यात आले आहे. या राज्यमार्गाचे काम मागील तीन-चार वर्षांपासून सुरू आहे. या कामाच्या दर्जाबाबत शंका उपस्थित केली जात असतानाच सुगवे वारेदरम्यान दापुंदा येथील एका वळणावर बांधलेली संरक्षक भिंत पहिल्याच पावसात कोसळल्याने अपघाताची शक्यता वाढली आहे.

मोठी बातमी - मुंबईनजीकच्या 'या' मोठ्या शहरासाठी मागवणार 4 हजार अँटिजेन किट्स...

कर्जत-मुरबाड-शहापूर या महामार्गाचे मार्केवाडी ते पादीरवाडीदरम्यान सुरू असलेले काँक्रीटीकरणाचे काम धीम्या गतीने सुरू आहे. सुरुवातीपासूनच सलग काम न करता ठिकठिकाणी रस्त्याचे खोदकाम करून ठेवले आहे. यातील काही खड्डे अपूर्ण अवस्थेत असताना काँक्रीटीकरण सुरू केले. त्यामुळे वाहतूक करताना आता याचा मोठा त्रास या रस्त्यावरून ये जा करणाऱ्या चालकांना सहन करावा लागत होता.

रस्ता चांगल्या दर्जाचा होईल या अपेक्षेने होणारा त्रास सहनही केला गेला. मात्र आज या रस्त्याला अनेक ठिकाणी तडे गेलेले दिसून येत आहेत. काही ठिकाणी रस्ता खचलेल्या अवस्थेत असून, रस्त्याचा पृष्ठभाग समतल नसल्याने वाहनचालकांना एखाद्या 'नावे'तून समुद्रसफर केल्याचा अनुभव येत आहे.

रस्त्यावरील काही ठिकाणी मोऱ्या टाकताना खाली कोणत्याही प्रकारचा काँक्रीट न टाकता केवळ मातीवरच मोऱ्या बसविल्याचे स्थानिक लोकांचे म्हणणे आहे‌. आश्चर्यकारक बाब म्हणजे नवीन रस्त्याला जुन्याच मोऱ्या बसविल्याचा प्रकार कळंब नाक्यावर दिसून आला आहे.

BIG NEWS - मुंबईतील कोरोना दोन आठवड्यात आटोक्यात येणार, पुण्यातील कोरोना आटोक्यात येण्यास लागणार...

कर्जत-मुरबाड राष्ट्रीय मार्गाचे काम निकृष्ट दर्जाचे असून, रस्ता काही दिवसांतच खचत आहे. मोऱ्या टाकताना कोणतेही निकष पाळले गेले नाहीत. केवळ मातीवर मोऱ्या टाकल्याने त्याही खचू शकतात. आमच्या कळंब नाक्यावरही एका ठिकाणी जीर्ण झालेली मोरी टाकण्यात आली आहे. शासनाचे कोट्यवधी रुपये खर्च होऊनही ठेकेदार कंपनीने कामाचा दर्जा राखला नसल्याने भविष्यात रस्ता खराब होणार. जनतेचा पैसा वाया जाणार आहे. शासकीय अधिकारी वर्गाने रस्ता दर्जेदार होण्यासाठी लक्ष देणे गरजेचे आहे. - शहनवाज पानसरे, राष्ट्रवादी युवा उपाध्यक्ष, कर्जत तालुका

( संकलन - सुमित बागुल )

protective wall on karjat murbad highway collapsed due to heavy rainfall