धावत्या लोकलवर फेकली जातायत कुत्र्याची पिल्लं

मुंबई :   विकृतीची हद्द काय असते हे तुम्हाला ही  बातमी वाचल्यावर नक्की समजेल. महिलांवर अत्याचाराच्या घटना ताज्या असतानाच आता महिलांना त्रास देण्यासाठी काही विकृतांनी नवीन युक्ती शोधून काढलीये. हार्बर मार्गावरील वडाळा स्थानकाजवळ धावत्या लोकलमध्ये महिलांच्या प्रथम वर्गाच्या डब्यात कुत्र्याचे पिलू फेकल्याची घटना शनिवारी (ता. 8) घडली. त्यामुळे महिला प्रवाशांत घबराट पसरली.

 शनिवारी सायंकाळी 6.41 वाजता छत्रपती शिवाजी महाराज टर्मिनसहून निघालेली पनवेल लोकल वडाळा ते गुरू तेगबहादूर नगर स्थानकांदरम्यान आली असताना अनोळखी व्यक्तीने सिमेंटच्या रिकाम्या गोणीत गुंडाळलेले कुत्र्याचे पिलू महिलांच्या प्रथम वर्गाच्या डब्यात फेकले. अचानक बाहेरून डब्यात काही तरी पडल्याचा आवाज आल्यामुळे महिलांमध्ये खळबळ उडाली.

डब्यात पडलेल्या गोणीतून कुत्र्याच्या ओरडण्याचा आवाज आला. या गोणीतून बाहेर आलेल्या कुत्र्याच्या पिलास महिलांनी गुरू तेगबहादूर नगर स्थानकात उतरवले. वडाळा पोलिसांनी या घटनेची नोंद केली असून, तपास सुरू असल्याचे वरिष्ठ पोलिस निरीक्षक राजेंद्र पाल यांनी सांगितले. 

या बातम्या वाचल्या का ? 

• महाराष्ट्रात पुन्हा भाजपचं सरकार आल्याशिवाय मी दिल्लीत जाणार नाही - फडणवीस
• शरद पवार यांचा माजी शिक्षण मंत्र्यांना टोला, म्हणालेत...
• मनसेत इनकमिंग... 'या' नेत्यांनी केला 'मनसे'प्रवेश
• आश्चर्यच..! कलिंगड, सिमला मिरची अगदी कलरफुल!
• मनसेच्या मोर्चावर नजर ठेवण्यासाठी दंगल नियंत्रण पथक, शीघ्र कृती दल तसंच CCTV तैनात

puppy attack in mumbai most gross way to tease mumbai local women travelers