Loksabha 2024: 'त्या' दोन्ही जागा काँग्रेसच्या, परत घ्या; राज्यातील नेत्यांची गांधींना हाक

Mumbai News: ठाकरे गटाचे पक्षाध्यक्ष उद्धव ठाकरे यांनी आता महाराष्ट्रातील जागा वाटपाबद्दलची चर्चा २०२९ सालीच होईल, असे सांगत लोकसभा मतदारसंघांच्या फेरविचारास ठाम नकार दिला असला तरी सांगली, दक्षिण मध्य मुंबई या दोन्ही जागा काँग्रेसच्या आहेत.(Sangli, South Central Mumbai)

त्या परत घ्या, अशी विनवणी पक्षाचे प्रदेशाध्यक्ष नाना पटोले यांनी सोनिया गांधी आणि राहुल गांधी यांना केली आहे.(mumbai Loksabha News)

शिवसेनेच्या ठाकरे गटाचा सांगली लोकसभा मतदारसंघात कोणताही प्रभाव नाही तर मुंबईतील दक्षिण मध्य मतदारसंघात काँग्रेस शहराध्यक्ष वर्षा गायकवाड उत्तम लढत देत विजयी होऊ शकतात. (Congress city president Varsha Gaikwad)

परिस्थिती अनुकूल असताना काँग्रेसने या दोन्ही जागांसाठी आग्रह धरायला हवा, असे आग्रही प्रतिपादन आज काँग्रेस नेते राहुल गांधी यांना करण्यात आले. पक्षाच्या सर्वोच्च नेत्या सोनिया गांधी यांच्याशीही या विषयावर बोलणे झाले.(sagali congress news)

त्यांनी या संबंधात उद्धव ठाकरे यांच्याशी चर्चा करण्याचे आश्वासन दिले असल्याची माहिती नाना पटोले यांनी ‘सकाळ’ला दिली. यासंदर्भात आता हायकमांड योग्य वाटेल तो निर्णय घेतील, असेही पटोले म्हणाले. पहिल्या टप्प्यातील लढतीच्या प्रचारासाठी आज पटोले विदर्भात रवाना झाले.(thackeray vs congress)

ते २ एप्रिल रोजी परतणार असून त्यानंतर मविआची बैठक होईल. मोदी सरकारच्या ध्येयधोरणांबद्दल जनता कमालीची नाराज आहे. विदर्भातील पहिल्या टप्प्यात होणाऱ्या निवडणुकीतील सर्व जागा मविआ जिंकेल. ज्येष्ठ भाजप नेते नितीन गडकरीही पराभूत होतील असा विश्वास पटोले यांनी व्यक्त केला. भिवंडीची जागा राष्ट्रवादी काँग्रेस शरद पवार गटाला हवी असल्याची चर्चा आहे. मात्र, काँग्रेस या जागेबाबत ठाम आहे.(maharashtra loksabha news)

‘उद्धव ठाकरे समजूतदारपणा दाखवितील’

आज दिल्लीचे मुख्यमंत्री अरविंद केजरीवाल यांच्या अटकेचा निषेध करण्यासाठी दिल्लीत आयोजित झालेल्या रॅलीनंतर तेथे हजर असलेल्या उद्धव ठाकरेंशी गांधी मातापुत्र चर्चा करतील, असा विश्वास काँग्रेसच्या प्रदेशातील नेत्यांना होता. (uddhav thackeray sonia and rahul gandhi)

उद्धव ठाकरे यांनाही पंतप्रधान मोदी यांच्या विरोधातील कौल अपेक्षित असल्याने ते समजूतदारपणा दाखवतील, अशी आशाही नेत्यांनी बोलून दाखवली. (nana patole)