esakal | कोकणात जाणाऱ्या चाकरमान्यांसाठी रेल्वेचाही प्रस्ताव; वाचा आताची सर्वात मोठी अपडेट
sakal

बोलून बातमी शोधा

कोकणात जाणाऱ्या चाकरमान्यांसाठी रेल्वेचाही प्रस्ताव; वाचा आताची सर्वात मोठी अपडेट

गणपती उत्सवासाठी चाकरमान्यांना कोकणात सोडण्यासाठी मध्य रेल्वेने रेल्वे मंडळाकडे प्रस्ताव पाठवला आहे. लवकरच या प्रस्तावाला मंजुरी मिळण्याची शक्यता वर्तवली जात आहे. तसे, झाल्यास कोकण मार्गावरून रेल्वेच्या सुमारे 208 फेऱ्या धावतील. 

कोकणात जाणाऱ्या चाकरमान्यांसाठी रेल्वेचाही प्रस्ताव; वाचा आताची सर्वात मोठी अपडेट

sakal_logo
By
प्रशांत कांबळे



मुंबई : गणपती उत्सवासाठी चाकरमान्यांना कोकणात सोडण्यासाठी मध्य रेल्वेने रेल्वे मंडळाकडे प्रस्ताव पाठवला आहे. लवकरच या प्रस्तावाला मंजुरी मिळण्याची शक्यता वर्तवली जात आहे. तसे, झाल्यास कोकण मार्गावरून रेल्वेच्या सुमारे 208 फेऱ्या धावतील. 

येथील मॅटिनी शोज आता आठवणीपुरतेच; ताडदेवचे गंगा-जमुना थिएटर झाले जमीनदोस्त

कोकणात जाणाऱ्या चाकरमान्यांसाठी सध्या फक्त एसटीची सुविधा आहे. त्यानंतर आता कोकण रेल्वे मार्गावर विशेष रेल्वे चालवण्यासाठी राज्य सरकार आणि मध्य रेल्वे आग्रही आहे. तसा प्रस्ताव केंद्रीय गृह विभाग आणि रेल्वे मंडळाकडे पाठविण्यात आला आहे. मध्य रेल्वे मार्गाचे जनसंपर्क अधिकारी कार्यालय आणि मध्य रेल्वेच्या अधिकाऱ्यांना यासंबंधीच विचारले असता अद्याप रेल्वे मंडळाने मान्यता दिली नसून, मान्यता मिळाल्यानंतर अधिकृत घोषणा केली जाणार असल्याचे अधिकाऱ्यांनी सांगितले. प्रस्तावाला मंजुरी मिळाल्यानंतर 11 आॅगस्ट ते 3 सप्टेंबरपर्यंत या फेऱ्या धावण्याची शक्यता आहे.

एका नवकल्पनेतून मिळणार १५ लाखांपर्यंतचे काम; कौशल्य विकासमंत्र्यांची मोठी घोषणा!

प्रवाशांची तपासणी होणार
कोकणासाठी रेल्वेच्या सुमारे 208 फेऱ्या धावणार आहे. आरक्षित तिकिट असलेले प्रवासीच या गाड्यांमधून प्रवास करु शकतील.  गाड्यांमध्ये प्रवाशांना अन्नपदार्थ, ब्लॅंकेट आदी पुरविण्यात येणार नाही. तसेच, प्रवाशांना रेल्वे स्थानकांवर 3 तास आधी यावे लागणार असून, प्रवाशांची तपासणी करूनच प्रवाशांना गाडीत बसविले जाणार असल्याचे सुत्रांनी सांगितले आहे.

----------------------------------------------------------

( संपादन - तुषार सोनवणे )

loading image