Mumbai Rain: मुंबईकरांनो घराबाहेर पडण्याआधी ही बातमी वाचा, हवामान विभागाने दिला इशारा

Mumbai Heavy Rain: जून महीन्याच्या पहिला आठवड्यात पाऊस न पडल्यामुळे मुंबईकर चांगलेच निराश झाले होते. मात्र आज (रविवार) पहाटे पासून संपुर्ण मुंबईत पाऊस सुरू झाल्याने मुंबईकर एकदमच खूश झाले आहेत. ज्या पावसाची सर्वच लोक आतुरतेने वाट पाहत होते त्या पावसाला मुंबईत सुरुवात झाली आहे.

मुंबई,ठाणे, कल्याण, कर्जत, कसारा भागात पहाटे पावसाच्या सरी बरसल्या. येत्या काही काळात मुंबई, ठाण्यात जोरदार पावसाची शक्यता हवामान विभागाने वर्तवली आहे.

पुढील 3-4 तास मुंबईत जोरदार पाऊस बरसण्याची अंदाज हवामान विभागाने व्यक्त केला आहे. मुंबई, ठाणे आणि रायगड परिसरात मध्य आणि मोठ्या सरी बरसण्याची शक्यता हवामान विभागाने वर्तवली आहे.

यावेळी तशी ४०-५० किमी वेगाने वारे वाहण्याचा अंदाज असून विजेच्या कडकडाटसह पावसाचा अंदाज विभागाने वर्तवला आहे.याच बरोबर घराबाहेर पडताना काळजी घेण्याच हवामान खात्याचे आवाहन

याच बरोबर उत्तर कोंकण, मध्य महाराष्ट्र, मराठवाडा आणि विदर्भातील जिल्ह्यांतील काही ठिकाणी विजांच्या कडकडाटासह वादळ आणि मध्यम पाऊस पडण्याची शक्यता आहे.पुढील काही तासांमध्ये मुंबईसह उपनगर, पालघर, अहमदनगर, नाशिक, सोलापूर आणि सांगली जिल्ह्यात पावसाची शक्यता वर्तवण्यात आली आहे. तर छत्रपती संभाजीनगर, जालना, बीड, धाराशिव, लातूर या जिल्ह्यांनाही पावसाचा इशारा देण्यात आला आहे.