मुंबई - दादर कबुतरखाना वाद, न्यायालयाच्या आदेशाचा भंग आणि स्वातंत्र्यदिनी मांसविक्रीबंदी यावरून मनसे अध्यक्ष राज ठाकरे यांनी आज सरकारला धारेवर धरले. ‘कुणी काय खावे आणि कुणी काय खाऊ नये,’ हे सरकारने ठरवू नये..स्वातंत्र्यदिनी लोकांच्या खाण्यावर बंदी लादणे हेच विरोधाभासी आहे,’ अशी टीका करत कल्याण-डोंबिवली महापालिकेच्या मांसविक्री बंदीच्या आदेशाला विरोध केला..राज ठाकरे म्हणाले, ‘उच्च न्यायालयाने कबुतरांना खाद्य देण्यास बंदी घातली आहे. डॉक्टरांनी आजारांचे इशारे दिले आहेत. तरीही कोणी खाद्य घालत असेल तर पोलिसांनी त्वरित कारवाई करावी. जैन मुनींनीही न्यायालयाचा आदेश पाळावा. कुणीही आदेशाचा भंग करत असेल, त्यावर कारवाई करायला हवी.’.तुम्ही मंत्री की धर्मगुरू!मंत्री मंगलप्रभात लोढा यांच्यावर टीका करताना ठाकरे म्हणाले, ‘न्यायालयाचा आदेश माहीत नाही का, मंत्री आहात की धर्माचे प्रतिनिधी? मराठी लोकांच्या आंदोलनात धरपकड झाली. पत्रकारांना मारहाण झाली आणि मंत्री मात्र आंदोलनात उभे होते. आगामी महापालिका निवडणुकीच्या तोंडावर समाजात तेढ निर्माण केली जात आहे.’.बंदीला आव्हानस्वातंत्र्यदिनी मांसबंदीवर संताप व्यक्त करत त्यांनी स्पष्ट इशारा दिला. ते म्हणाल, ‘कोणी काय खावे हे महापालिकेला ठरवण्याचा अधिकार नाही. स्वातंत्र्यदिन साजरा करायचा आणि खाण्याचे स्वातंत्र्य हिरावायचे, हा कोणता प्रकार? मनसैनिकांनी हे पाळू नये.’.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
