Mumbai: रुग्णाच्या नाश्‍त्यात उंदराची विष्ठा! तक्रारीनंतरही कारवाई नाही; पालिकेच्या रुग्णालयात संतापजनक प्रकार

मुंबई : महापालिकेच्या कांदिवलीतील भारतरत्न डॉ. बाबासाहेब आंबेडकर रुग्णालयात (शताब्दी रुग्णालय) प्रसूतीसाठी दाखल करण्यात आलेल्या एका महिलेला दिलेल्या सकाळच्या नाश्‍त्यामध्ये उंदराची विष्ठा आढळल्याचा धक्कादायक प्रकार समोर आला आहे. ही बाब रुग्ण व तिच्या नातेवाइकांनी तत्काळ कर्मचाऱ्यांच्या निदर्शनास आणून दिली असतानाही, कोणतीही कारवाई झाली नसल्याचा आरोप नातेवाइकांनी केला आहे. दरम्यान, अधीक्षक डॉ. अजय गुप्ता यांच्याशी संपर्क केला असता तो होऊ शकला नाही.