रतन टाटांचं प्राणीप्रेम! जखमी पाळीव कुत्र्यावर केले उपचार; त्याच्या मालकाशी संपर्क साधण्यासाठी...

Ratan Tata: टाटा समूहाचा १५५ वर्षांचा वारसा पुढे नेणारे रतन टाटा आज जगात एक यशस्वी उद्योगपती म्हणून ओळखले जातात. रतन टाटा यांनी देखील एक कर्मचारी म्हणून आपल्या कारकिर्दीची सुरुवात केली होती. त्यांच्या नेतृत्वाखाली टाटा समूहाने ट्रिलियन डॉलरचा व्यवसाय निर्माण केला.

रतन टाटा फक्त व्यवसायात नाही तर सामाजिक कार्यात देखील अग्रेसर असतात. त्यांनी अनेक सामाजिक संस्था स्थापन केल्या आहे. कामगार, प्राणी यांच्यावर त्यांचे विशेष प्रेम असते. नुकताच महाराष्ट्र सरकारने त्यांचा उद्योगरत्न पुरस्कार देऊन गौरव केला.

दरम्यान रतन टाटा आता चर्चेत येण्याची कारण वाचून तुम्हालाही अभिमान वाटेल. रतन टाटा यांचं प्राणीप्रेम जगजाहीर आहे. रतन टाटा यांच्या ऑफिस स्टाफला सायन हॉस्पिटल मुंबई येथे काल रात्री एक हरवेला कुत्रा सापडला. यावेळी त्यांनी त्या कुत्र्याला जवळ घेतले. तो कुत्रा जखमी अवस्थेत होता. त्या कुत्र्यावर आता उपचार सुरु आहेत. आम्ही त्याची काळजी घेत असल्याचे रतन टाटा यांनी सांगितले.

दरम्यान, तो आमच्या काळजीत आहे आणि त्याच्या जखमांवर सुरू आहेत. तुम्ही कुत्र्याचे मालक असल्यास किंवा काही माहिती असल्यास कृपया काही पुराव्यासह reportlostdog@gmail.com वर ईमेल करा, असे आवाहन रतन टाटा यांनी केले आहे.