चिंताजनक! राज्यात कोरोनाबाधितांची विक्रमी नोंद, दिवसभरात 54 रुग्ण दगावले

mumbai
mumbai

मुंबई : राज्यात आज एका दिवसभरात 1495 नवीन रुग्णांचे निदान झाल्याने रुग्णांची एकूण संख्या 25 हजार 922 झाली आहे. तसेच आज दिवसभरात 54 रुग्ण दगावल्याने मृतांचा आकडा 975 वर पोहोचला आहे. दरम्यान, आज राज्यात 422 कोरोनाबाधित रुग्णांना घरी सोडण्यात आले असून आतापर्यंत राज्यभरात 5547 रुग्ण बरे झाले आहेत. 

आज झालेल्या मृत्यूपैकी मुंबईतील 40, पुण्यात 6, जळगावमध्ये 2, सोलापूर शहरात 2, औरंगाबाद शहरात 2, वसई विरारमध्ये 1 तर रत्नागिरीत एकाचा मृत्यू झाला आहे. आज झालेल्या मृत्यूंपैकी 33 पुरुष तर 21 महिला आहेत. आज झालेल्या 54 मृत्यूपैकी 60 वर्षे किंवा त्यावरील 29  रुग्ण आहेत तर 21  रुग्ण हे वय वर्षे 40 ते 59 या वयोगटातील आहेत. तर 4 जण 40 वर्षांखालील आहे. या 54 रुग्णांपैकी 36 जणांमध्ये ( 67 टक्के) मधुमेह, उच्च रक्तदाब, हृदयरोग, अशा स्वरुपाचे अतिजोखमीचे आजार आढळले आहेत.

आजपर्यंत पाठविण्यात आलेल्या 2 लाख 30 हजार 857 नमुन्यांपैकी 2 लाख 3 हजार 439 जणांचे प्रयोगशाळा नमुने निगेटिव्ह आले असून 25  हजार 922 जण पॉझिटिव्ह आले आहेत. सध्या राज्यात 2 लाख 98 हजार 213 लोक होम क्वारंटाईनमध्ये असून 14  हजार 627 लोक संस्थात्मक क्वारंटाईनमध्ये आहेत.

A record number of corona positive in the maharashtra, 54 patients died during the day

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com