अखेर महामुंबईतील दुकाने उघडली
मुंबई ः अखेर महामुंबईतील दुकाने ऊघडण्यास सुरुवात झाली. जवळपास दोन महिन्यानंतर दुकाने ऊघडताना दुकानदारांचे चेहरे प्रफुल्लीत होते. जीवनावश्यक नसलेल्या वस्तूंची दुकाने सम-विषम तत्त्वावर शुक्रवारपासून सुरु झाली. एकंदरीत मुंबई तसेच परिसरातील बाजार फुलण्यास सुरुवात झाली आहे.
दुकाने ऊघडण्याचे औत्सुक्य अनेकांच्या चेहऱ्यावर दिसत होते. दुकाने ऊघडणार असल्यामुळे रस्त्यावरील गर्दीही नेहमीपेक्षा जास्त होती. त्यामुळे काही ठिकाणी वाहतूक कोंडीही झाल्याचे दिसत होते. अर्थात त्यांची चिंता कोणी करीत नव्हते. दुकाने ऊघडलेली पाहून खूप चांगले वाटत आहे. सर्व व्यवहार सुरळीत होण्याची ही सुरुवात आहे, असेच अनेकांचे मत होते.
तयार कपडे, बेड शिटस््, कर्टन, भांडी, टेलरिंग, पादत्राणे यांची विक्री सुरु झाली तसेच अनेक ठिकाणी फेरीवालेही दिसले. अनेक दुकानात सकाळी खरेदीसाठी माफक गर्दीही झाली होती. दुकाने सुरु करताना प्रत्येकाने आपण दुकानाचे निर्जंतुकीकरण केले आहे तसेच ग्राहकांना एकमेकांपासून सुरक्षित अंतर ठेवण्यास सांगणार आहोत, असे आवर्जून सांगितले. आज आम्ही सर्वांसाठी आनंदाचा दिवस आहे. दोन महिने बंद असलेली दुकाने उघडली आहेत, आता आमचा धंदा सुरु होणार आहे, असे मुंबईतील दुकानदार मालक संघटनेचे सचिव विरेन शाह यांनी सांगितले.
दुकाने खुली करण्यास परवानगी दिली असली तरी ती सम विषम नियमाने सुरु राहतील तसेच सुरक्षित अंतराचे पालन करावे लागेल याची जाणीव प्रशासनाने पुन्हा करुन दिली. अर्थात दुकाने सकाळी नऊ वाजता खुली झाली असली तरी त्यांच्या वेळेवर मर्यादा आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.