आधी हिरवा पाऊस, आता गुलाबी रस्ते ; नागरिक भयभीत..

कल्याण : डोंबिवली औद्योगिक क्षेत्रांमधील प्रदूषणाच्या समस्येने रहिवासी हैराण असतानाच आता रस्त्यांवर गुलाबी रंगाचे रसायन पसरल्याने नागरिकांमध्ये संताप व्यक्त होत आहे. हिरवा पाऊस, सततचे होणारे प्रदूषण यामुळे परिसरातील नागरिकांना आरोग्याच्या समस्या भेडसावत आहेत.

मोठी बातमी - "राष्ट्रवादीची सत्ता आहे.. मग तर एकच शिव जयंती झालीच पाहिजे!"

त्यातच आता रस्त्यावर गुलाबी रंगाचा रसायनमिश्रीत मातीचा थर पसरल्याने नागरिकांना रस्त्यावरून ये-जा करणेही कठीण झाले आहे. औद्योगिक विकास मंडळाने परिसरातील रस्त्यांची कामे हाती घेतली आहेत. फेज-2 मधील एका सेवा रस्त्यावर या गुलाबी रंगाच्या रसायनाचा थर पसरला आहे.

मोठी बातमी - कोरोनामुळे चीनच्या वाहन कंपनीचा भारतातील प्रवेश रोखला 

यापूर्वीही अशाच प्रकारचे रसायन रस्त्याच्या कडेला फेकण्यात आले असल्याची आठवण रहिवाशांनी करून दिली. औद्योगिक महामंडळाचे दुर्लक्ष, कारखानदारांची बेफिकिरी आणि प्रदूषण नियंत्रण मंडळाचा कोणताही अंकुश नसल्याने डोंबिवली औद्योगिक परिसरात राहणाऱ्या रहिवाशांना वारंवार अशा प्रकारच्या अडचणींचा सामना करावा लागत आहे.

मोठी बातमी - 'या' पोराने 'गुगल'ला येडा बनवून खाऊ घातला पेढा..

याबाबत प्रदूषण नियंत्रण मंडळ अधिकाऱ्यांना संपर्क साधला असता त्यांनी प्रतिसाद दिला नाही.

road turned pink due to massive pollution in dombivali industrial area