आरोग्य दाखल्यासाठी परप्रांतीयांची गर्दी, सोशल डिस्टंन्सिंगचा फज्जा

खोपोली : सरकारच्या निर्णयानुसार परप्रांतीय कामगार व मजूरांना काही अटी व नियमांचे पालन करून त्यांच्या मूळ गावी जाता येणार आहे. यासाठी आरोग्य दाखल्याची आवश्यकता असून तो मिळवण्यासाठी खोपोलीतील परप्रांतीयांनी नगरपालिका रुग्णालयात मोठी गर्दी केली. 

नक्की वाचा : म्हणून 'त्या' पाच मुली देणार कोरोनाची अग्निपरीक्षा, जाणून घ्या अधिक...

खोपोली परिसरात मोठे औद्योगिक क्षेत्र असल्याने शहरात मोठ्या संख्येने परप्रांतीय आहेत. या नागरिकांना सोशल डिस्टंन्सिंगचे पालन करून दाखला प्राप्त करण्याचे आवाहन नगरपालिका व पोलिसांच्या माध्यमातून केले जात आहे.

हे नक्की वाचा : पुतण्याचं मुख्यमंत्री काकांना पत्र, कोरोना रुग्णांसाठी राज्य सरकारला सुचवले 'हे' उपाय

याबाबत मिळालेल्या माहितीनुसार खोपोली नगरपालिका क्षेत्र व परिसरात जवळपास 18 ते 20 हजार परप्रांतीय कामगार व मजूर विविध ठिकाणी वास्तव्यास आहेत. यातील बहुसंख्य नागरिकांना त्यांच्या मूळ गावी जाण्याची इच्छा आहे. त्यासाठी लागणारा आरोग्य दाखला मिळविण्यासाठी खोपोली नगरपालिका रुग्णालय व तालुका आरोग्य प्राथमिक रुग्णालय खालापूर येथे विशेष कक्ष सुरू करण्यात आला आहे. सोमवारी या ठिकाणी आरोग्य दाखला प्राप्त करण्यासाठी परप्रांतीय कामगार व मजुरांची मोठी गर्दी केली. दरम्यान, सोशल डिस्टंन्सिंगचे पालन होण्यासाठी नगरपालिका व स्थानिक पोलिसांना कसरत करावी लागत आहे.

 The rush of migrant for health certificates, broke the social discrimination