उल्हासनगरातील साईपक्ष मुख्यमंत्री एकनाथ शिंदें सोबत!

उल्हासनगर : महानगरपालिकेची स्थापना झाल्यापासून सत्तेच्या केंद्रस्थानी राहणाऱ्या उल्हासनगरातील साईपक्षाने आज खासदार डॉ.श्रीकांत शिंदे यांची भेट घेऊन मुख्यमंत्री एकनाथ शिंदे यांच्यासोबत राहण्याचा निर्णय घेतला आहे. डॉ.श्रीकांत शिंदे हे कडोंमपाच्या कल्याण पुर्व मधील डी वॉर्ड कार्यालय परिसरात सुरू असलेल्या महामानव डॉ.बाबासाहेब आंबेडकर यांच्या स्मारकाच्या कामाची पाहणी आणि कार्यकर्ता संवाद साधण्यासाठी आले होते.तेंव्हा साईपक्षाचे सर्वेसर्वा जीवन इदनानी यांच्या सोबत माजी नगरसेवक बाबू मंगतानी,नवीन दुधानी,माजी नगरसेविका इंदिरा उदासी आदींनी डॉ.शिंदे यांची भेट घेऊन मुख्यमंत्री एकनाथ शिंदे व खासदार डॉ.श्रीकांत शिंदे सोबत राहणार असा निर्णय जाहीर केला.

एकनाथ शिंदे हे नगरविकास मंत्री असताना डॉ.शिंदे यांच्या प्रयत्नाने मिळालेल्या निधीमुळे विरोधी पक्षात असतानाही साईपक्षाच्या प्रभागात विकासकामे झाली आहेत.शिंदे हे विकासकामात हेवेदावे मतभेद करत नसून हा स्वभावच त्यांची जमेची बाजू आहे.त्यामुळेच आम्ही मुख्यमंत्री एकनाथ शिंदे,खासदार.श्रीकांत शिंदे यांच्या सोबत राहणार असे जीवन इदनानी यांनी सांगितले.यावेळी शिवसेनेचे उपशहरप्रमुख अरुण आशान उपस्थित होते.