मुंबई : मराठा समाजाला ओबीसीतून आरक्षण मिळावं यासाठी आंदोलक मनोज जरांगे हे गेल्या चार दिवसांपासून पुन्हा एकदा उपोषणाला बसले आहेत. कालपासून त्यांची प्रकृती देखील खालवत चालली आहे. परंतू सरकारनं यावेळी त्यांच्याकडं दुर्लक्ष करत आहे असा आरोप करत 'सकल मराठा समाज' या संघटनेचे कार्यकर्ते मुंबईत आंदोलनासाठी दाखल झाले आहेत. मुख्यमंत्री एकनाथ शिंदे यांचं शासकीय निवासस्थान असलेल्या वर्षा बंगल्याला ते घेराव घालणार आहेत.
पुण्यातून हे कार्यकर्ते मुंबईत दाखल झाल्याचं सुत्रांकडून कळतं आहे. मनोज जरंगे गेल्या चार दिवसांपासून उपोषण करत असताना सरकार त्यांच्याकडं दुर्लक्ष करत असल्याचा आरोप या कार्यकर्त्यांनी केला आहे. तसंच मंत्रालयाला देखील घेराव घालणार असल्याचं या कार्यकर्त्यांनी म्हटलं आहे. दरम्यान, अतिरिक्त पोलीस आयुक्त अभिनव देशमुख मराठा आंदोलकांशी चर्चा करत आहेत.
आज जर मुख्यमंत्र्यांनी आम्हाला भेट दिली नाहीतर उद्या दुपारी बारा वाजण्यापर्यंत १ लाख मराठा तरुण मुंबईत घुसतील, असा इशारा एका कार्यकर्त्यांनी दिला आहे. यावेळी पोलिसांनी या आंदोलकांना आझाद मैदानात आंदोलन करण्याची सूचना केली. पण आम्ही आझाद मैदानात आंदोलनासाठी आलेलो नाहीत, तर मुख्यमंत्र्यांची भेट घेण्यासाठी आलो आहोत, असं आणखी एका कार्यकर्यानं साम टीव्हीशी बोलाताना सांगितलं.
मुख्यमंत्र्यांच्या वर्षा निवासस्थानी हे कार्यकर्ते जमले असून ते 'एक मराठा, लाख मराठा', 'मनोज जरांगे पाटील हम तुम्हारे साथ है' अशी घोषणाबाजी करत आहेत. या आंदोलकांनी महापालिकेजवळचा रस्ता अडवल्याचीही माहिती मिळते आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
