मुंबईः शिवसेना खासदार संजय राऊत यांनी राष्ट्रवादी काँग्रेसचे अध्यक्ष शरद पवार यांची भेट घेतली आहे. शरद पवार यांच्या निवासस्थान सिल्व्हर ओकवर संजय राऊत गेले होते. संजय राऊत सहकुटुंब राष्ट्रवादीचे अध्यक्ष शरद पवार यांच्या भेटीला पोहोचले होते. ही भेट कौटुंबिक की राजकीय, हे मात्र अजून स्पष्ट झालेलं नाही.
जेव्हा जेव्हा शिवसेना खासदार संजय राऊत सिल्व्हर ओकवर जाऊन शरद पवारांची भेट घेतात, तेव्हा तेव्हा राज्याच्या राजकारणात मोठा भूकंप होतो. त्यामुळे राऊत-पवारांमध्ये कोणत्या विषयावर चर्चा झाली आणि या भेटीमागचं नेमकं कारण काय याची सर्वांनाच उत्सुकता लागलीय. राऊतांनी मात्र भेट कौटुंबिक होती असं म्हटलं आहे. संजय राऊत यांच्याबरोबर त्यांची पत्नी आणि मुलगीही उपस्थित होती.
ही भेट कौटुंबिक भेट असल्याचं सांगत महाविकास आघाडीच्या नेत्यांना ट्रागेट करू दे पण त्यांचा काही फरक पडत नाही, असंही राऊत म्हणालेत.
काही दिवसांपूर्वीच संजय राऊत यांची पत्नी वर्षा राऊत यांना आर्थिक गैरव्यवहारप्रकरणात ईडीकडून नोटीस पाठवण्यात आली होती. त्यानंतर वर्षा राऊत यांची दोनदा चौकशीही झाली.
Sanjay Raut met Sharad Pawar at Silver Oak With family member
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.