'दोन कॅबिनेट मंत्री आणि मध्यावधी निवडणुका..', राऊतांच्या पत्राने खळबळ

शिवसेनेचे खासदार संजय राऊत यांनी आता नवा खुलासा केला आहे. त्यांनी राज्यसभेचे अध्यक्ष आणि उपराष्ट्रपती व्यंकय्या नायडू यांना पत्र लिहून धक्कादायक आरोप केले आहेत. (Sanjay Raut writes letter to vice president)

एक महिन्यापूर्वी मला काही लोक भेटले. त्यांनी राज्यातील महविकास आघाडी सरकार पाडण्यात मदत करण्याचं सांगितलं. असं न केल्यास कारवाई होईल, अशा इशारा दिल्याचा खुलासा राऊत यांनी केला आहे. या व्यक्ती सरकारी यंत्रणेतील होत्या. (Sanjay Raut News)

माजी रेल्वे मंत्री लालू प्रसाद यादव यांच्यासारखं तुरुंगात जावं लागेल, अशी धमकीच दिल्याचा दावा खासदारांनी केलाय. तसेच राज्यातील कॅबिनेटमधील दोन मंत्री आणि दोन मोठ्या नेत्यांना अटक होणार असल्याचे सुतोवाच केले आहेत. या घटनांमुळे राज्यात मध्यावधी निवडणूक लागणार, असं भाकीत वर्तवलं होतं. ईडीचा राजकीय वापर होत असल्याचं खबळजनक पत्र संजय राऊत ट्वीट केलंय.

राऊत यांनी संबंधित पत्र शरद पवार, राहुल गांधी, मल्लिकार्जून खरगे, आरजेडीचे मनोज कुमार झा, समाजवादी पार्टीचे मनोज कुमार झा यांच्यासह अन्य काही नेत्यांनाही पाठवलं आहे. यानंतर त्यांनी जय महाराष्ट्र नावाचं आणखी एक ट्वीट करत सूचक फोटो शेअर केला आहे. त्यामुळे आता राजकीय चर्चांना उधाण आलंय.