दिवा शहरात 10 वर्षीय अल्पवयीन मुलीचा शाळेतील वर्गात विनयभंग झाल्याची घटना मंगळवारी घडली. याप्रकरणी मुंब्रा पोलिस ठाण्यात अज्ञात व्यक्ती विरोधात पिडीत मुलीच्या आईच्या तक्रारीवरुन गुन्हा दाखल करण्यात आला आहे. .पिडीत मुलीने तिच्यासोबत घडलेल्या घटनेची माहिती शाळेतील मुख्याध्यापकांना दिली होती. त्यांनी या प्रकाराबद्दल घरी सांगू नको असे मुलीला बजाविले. ही बाब दिव्यातील मनसे कार्यकर्त्यांनी उघडकीस आणत संस्थाचालकांविरोधात गुन्हा दाखल करण्याची मागणी केली. त्यानुसार संस्थाचालकां विरोधात मुंब्रा पोलिसांनी गुन्हा दाखल करत शाळेच्या मुख्याध्यापिका संगीता तिवारी यांना अटक केली आहे. यातील मुख्य आरोपी अद्याप फरार असून त्याचा शोध घेतला जात आहे. .दिव्यातील एका खासगी शाळेत मंगळवारी सकाळी शाळेतील वर्गात शिरुन एका व्यक्तीने तिच्यासमोर अश्लील कृत्य करत तिचा विनयभंग केला. वर्गात कोणीही नसताना एका व्यक्तीने गैरप्रकार केल्याची माहिती पीडित मुलीने दिली आहे. पिडीत मुलीसोबत हा प्रकार झाल्यानंतर तिने आरडाओरड केला.त्यानंतर तो व्यक्ती तेथून निघून जात होता. मुलीचा आरडाओरड ऐकून शाळेतील शिक्षिका तिथे आल्या होत्या. .त्यांनी त्या व्यक्तीला विचारणा केली. परंतु त्याने मुलीला शाळेत सोडायला आल्याचे सांगत पळ काढला. पिडीत मुलीला शाळेच्या कार्यालयात आणल्यानंतर तिने प्राध्यापिकेला घडलेला प्रकार सांगितला. परंतु त्यांनी या प्रकाराबाबत घरी कोणालाही सांगू नको असे बजावले होते. पिडीत मुलीसोबत घडलेला प्रकार सीसीटीव्ही कॅमेऱ्यामध्ये कैद झाला आहे. पिडीत मुलीने पालकांना माहिती दिल्यानंतर त्यांनी मुंब्रा पोलीस ठाण्यात तक्रार दाखल केली. .या तक्रारीच्या आधारे, मुंब्रा पोलीस ठाण्यात गुन्हा दाखल करण्यात आला आहे. मात्र संस्थाचालकांच्या विरोधात पोलिसांनी कारवाई केली नव्हती. त्यामुळे दिव्यातील मनसे पदाधिकारी शहर सचिव प्रशांत गावडे, कुशाल पाटील, परेश पाटील, सागर निकम, नम्रता खराडे आणि इतर कार्यकर्त्यानी पोलिसांना जाब विचारला. त्यानंतर पोलिसांनी संस्थाचालकाच्या विरोधात गुन्हा दाखल केला.या घटनेची माहिती पिडीत मुलीने प्राध्यापकांना दिली असतानाही त्यांनी मुलीला कोणासही सांगू नको असे बजाविल्याने पोलिसांनी प्राध्यापिका संगिता तिवारी यांना अटक केली आहे. तर मुख्य आरोपीचा शोध सुरू असल्याची माहिती मुंब्रा पोलिसांनी दिली आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
