Maharashtra Politics: मुख्यमंत्री असताना एकनाथ शिंदे यांनी सुरू केलेल्या योजनांना आता ब्रेक लावण्यात येत आहे. 'आनंदाचा शिधा' ही योजना जवळपास बंद करण्यात आलीय. त्यातच आणखी एका योजनेला थांबवण्याचा निर्णय़ घेण्यात आल्याची माहिती सूत्रांनी दिलीय. माझी शाळा, सुंदर शाळा या योजनेला एकच वर्ष झालंय. वर्षभरातच ही योजना बंद करण्यात येत असल्यानं आता राजकीय वर्तुळात चर्चा रंगलीय.