मुंबई : मुंबईतील कुर्ला परिसरात असलेल्या आमदार मंगेश कुडाळकर यांच्या कार्यालयाची तोडफोड करणाऱ्या शाखाप्रमुख दिलीप मोरे सह १९ शिवसैनिकांना मुंबईतील नेहरू नगर पोलिसांनी सीआरपीसी कलम ६८ अंतर्गत ताब्यात घेतले आहे. मुंबईतील कुर्ला परिसरातील शिवसेनेचे आमदार मंगेश कुडाळकर यांनीही गुवाहाटीत पोहोचत एकनाथ शिंदेंच्या गटात सहभागी झाले. एकनाथ शिंदे यांच्या गटात कुडाळकर गेल्याने शिवसैनिक चांगलेच आक्रमक झाले .
आक्रमक झालेल्या शिवसैनिकांनी थेट मंगेश कुडाळकर यांच्या कुर्ला येथील कार्यालयावर हल्ला चढवला . आक्रमक शिवसैनिकांनी लोखंडी रॉड, लाकडी दांडके घेत मंगेश कुडाळकर यांच्या कार्यालयाबाहेर असलेल्या बॅनर्सची तोडफोड केली आहे. या तोडफोडीचा व्हिडिओ सुद्धा समोर आला आहे. मुंबईत घडलेल्या घटनेनंतर पोलिसा एक्शन मोड मध्ये आहे पोलीस आयुक्त यांनी मुंबई शहरातील सर्व राजकीय पक्षांचे कार्यालय, मंत्री, खासदार, आमदार यांचे कार्यालय, निवासस्थान शाखा या ठिकाणी बंदोबस्त लावण्याबाबत सुचना दिल्या आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.