मुंबईः गेल्या दोन ते तीन दिवसांपासून राजस्थानमध्ये सत्तानाट्य रंगत आहे. याच पार्श्वभूमीवर शिवसेनेनं भाजपवर टीका केली आहे. देश कोरोना संकटाशी झुंजत असताना भारतीय जनता पक्षानं काही वेगळेच उपद्व्याप सुरू केले आहेत. या काळात भाजपने मध्य प्रदेशातील काँग्रेसचे कमलनाथ सरकार पाडले. आता जिभेला लागलेले हे रक्त पचण्याआधीच राजस्थानातील गेहलोत सरकार पाडून ढेकर देण्याच्या स्थितीत भाजप दिसत आहे,' अशा शब्दांत शिवसेनेनं भाजपवर निशाणा साधला आहे. शिवसेनेनं सामनाचा अग्रलेखातून हे टीकास्त्र सोडलं आहे.
विरोधकांची सरकारे अस्थिर करायची या सूत्राने केंद्रीय सत्ता काम करत आहे. काँग्रेसच्या अंतर्गत भांडणात टांग टाकून घोडेबाजाराला उत्तेजन देण्याचे काम राजस्थानात सुरु आहे. भाजपकडे संपूर्ण देशाची सत्ता, काही घरे त्यांनी विरोधकांना सोडायला हवीत, असं अग्रलेखात म्हटलं आहे. तसंच पक्ष संकटात असताना बोटीतून उडी मारणाऱ्या उंदराप्रमाणे वागून त्यांनी स्वत:ला कलंकित करुन घेऊ नये, असा सल्लाही राजस्थानचे उपमुख्यमंत्री सचिन पायलट यांना दिलाय.
जोपर्यंत आमदारांची डोकी नीट मोजली जात नाहीत, तोपर्यंत भारतीय जनता पक्ष उघडपणे पुढे येऊन काही करणार नाही. यासाठी भारतीय जनता पक्ष उघडपणे काहीच करीत नसून त्यांचे सरकार अस्थिर करण्याचे राष्ट्रीय कार्य पडद्यामागून चालले आहे, असा आरोप शिवसेनेनं केला आहे.
शिवसेनेनं अग्रलेखात काय लिहिलं?
Shivsena Saamana editorial criticizes bjp rajasthan political
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.