...हा नियम पाळा, नाही तर पुढचा नंबर तुमचा!

मुंबई : कोरोनाची दहशत असतानाही काही बेशिस्त नागरिक मास्क न बांधता बाहेर फिरत आहेत. मास्क न लावणाऱ्या 1927 जणांवर आतापर्यंत गुन्हे दाखल करण्यात आले आहेत. पाचपेक्षा जास्त व्यक्तींनी एकत्र जमणे, कलम 188 च्या उल्लघंनाबद्दल 10 हजार 839 जणांवर गुन्हे नोंदवल्याचे मुंबई पोलिसांनी सांगितले.

ही बातमी वाचली का? मुंबई शहराला पडलीये ग्रामीण भागाची गरज; पालिका मागवणार डॉक्टर

कोरोनाचा संसर्ग रोखण्यासाठी देशभरात लॉकडाऊन जारी आहे. गरजेव्यतिरिक्त घराबाहेर पडू नका, पाचपेक्षा जास्त व्यक्तींनी एकत्र जमू नका, तोंडावर मास्क बांधणा असे आवाहन नागरिकांना सतत केले जात आहे. परंतु, अनेक बेजबाबदार नागरिक या नियमांची पायमल्ली करत आहेत. अशा बेशिस्त नागरिकांमुळे कोरोनाचा प्रादुर्भाव रोखण्यात अडचणी येत असल्याचे सांगितले जाते. मुंबईत आतापर्यंत 300 हून अधिक कोरोनाबाधितांचा बळी गेल्याच्या पार्श्वभूमीवर नियमांचे उल्लंघन करणाऱ्या नागरिकांवर पोलिसांनी कठोर कारवाई सुरू केली आहे. 

ही बातमी वाचली का? राज्यातील मालवाहतूक व्यवसाय संकटात, हे आहे कारण...

पोलिसांनी मास्क न बांधणाऱ्यांविरोधात 18 एप्रिलपासून कारवाई सुरू केली. आतापर्यंत 1927 जणांवर गुन्हा नोंदवण्यात आले आहेत. मास्कविना फिरणाऱ्यांचे सर्वाधिक प्रमाण पश्‍चिम आणि मध्य मुंबईत आढळले. मास्क न बांधणाऱ्या 15 जणांवर रविवारी पोलिसांनी कारवाई केली. प्रशासनाकडून वेळोवेळी आवाहने होत असून आणि समाजसेवी संस्थांनी मास्कचे वाटप करूनही बेजबाबदारपणे वागणाऱ्यांना पोलिस कारवाईचा धाक दाखवत आहेत. कोरोनाचा प्रसार रोखण्यासाठी मास्क वापरणे अनिवार्य करण्यात आले असून, सार्वजनिक ठिकाणी थुंकण्यावर बंदी घालण्यात आली आहे. पाचपेक्षा जास्त जणांनी एकत्र येण्यावर बंदी घालण्यात आली आहे. 

ही बातमी वाचली का? धक्कादायक! लॉकडाऊनमध्ये 200 भटक्या कुत्र्यांचा मृत्यू

पोलिसांचा दंडुका 

• गुन्हे दाखल : 10 हजार 839 
• अटक, जामिनावर सुटका : 6700 
• शोध सुरू : 1343 
• नोटिसा : 2796