'कसारा मार्गावर सर्व स्थानकांना लोकल थांबा द्या'; प्रवाशांना वेळेसोबतच आर्थिक भुर्दंड

'कसारा मार्गावर सर्व स्थानकांना लोकल थांबा द्या'; प्रवाशांना वेळेसोबतच आर्थिक भुर्दंड

खर्डी : कोरोनाच्या पार्श्वभूमीवर अत्यावश्यक सेवेतील कर्मचाऱ्यांसाठी सुरू असलेल्या लोकलमध्ये कर्मचाऱ्यांची गर्दी वाढत आहे. यात कोरोनाचा प्रादुर्भाव वाढण्याची शक्यता असल्याने मध्य रेल्वेने लोकल फेऱ्या वाढविण्याचा निर्णय घेतला. त्यात कसारा लोकलच्या 22 फेऱ्या वाढवण्यात आल्या. परंतु या लोकल कल्याण-कसारा दरम्यान ठराविक स्थानकांवरच थांबत असल्याने प्रवासी नाराजी व्यक्त करत आहेत. 

विविध विभागातील अत्यावश्यक सेवेतील कर्मचाऱ्यांसाठी लोकलसेवा सुरू करण्यात आली. बँक कर्मचाऱ्यांनाही लोकल प्रवासास परवानगी दिल्यानंतर लोकलमध्ये गर्दीचे प्रमाण वाढले आहे. वाढती गर्दी लक्षात घेऊन मध्य रेल्वेने सुरुवातीला असलेल्या 24 अप-डाऊन फेऱ्यांमध्ये आता आणखी 22 फेऱ्या वाढवण्याचा निर्णय घेतला. यातून गर्दी विभागली जाणार असली तरी, या लोकल कसारा, आसनगाव, टिटवाळा याच स्थानकांवर थांबत असल्याने इतर स्थानकातील प्रवाशांना नाहक हेलपाटा मारावा लागत आहे. 

कल्याण-कसारा मार्गावरील खर्डी, उंबरमाळी, तानशेत, आटगाव, वासिंद, खडवली, आंबिवली व शहाड या स्थानकावर लोकल थांबणार नसल्याने येथील अत्यावश्यक सेवेतील प्रवाशांचे हाल होत आहेत. त्यामुळे ही गैरसोय लक्षात घेऊन लोकलना सर्व स्थानकात थांबा देण्याची मागणी प्रवासी करीत आहेत. 

कसारा-कल्याण दरम्यान लोकल थांबा नसलेल्या 8 स्थानकातील अत्यावश्यक सेवेतील कर्मचाऱ्यांना प्रवास करण्यासाठी सवलत देण्यात यावी, जेणेकरून त्यांना निश्चितवेळी कामावर जाता येईल.
- राजेश घनघाव,
अध्यक्ष,
के-3 रेल्वे प्रवासी संघटना

-----------------------------------------------

( संपादन - तुषार सोनवणे )

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com