मुंबई - सातारा जिल्ह्यातील सुरेखा यादव यांनी भारतीय रेल्वेत लोको पायलट म्हणून रुजू होत पुरुषाच्या मक्तेदारीला धक्का दिला आणि आशियातील पहिल्या महिला लोको पायलट बनून इतिहास रचला..तब्बल ३६ वर्षे सात महिन्यांच्या प्रदीर्घ सेवेनंतर त्या ३० सप्टेंबर रोजी निवृत्त होत आहेत. यादव यांच्या नावे अनेक विक्रम आहेत. त्यांनी १९८८ मध्ये कल्याण येथून सहाय्यक लोको पायलट म्हणून कारकीर्द सुरू केली..सामान्य कुटुंबात जन्मलेल्या सुरेखा यादव यांनी शिक्षणानंतर पारंपरिक मार्ग न निवडता रेल्वेसारख्या कठीण आणि जबाबदारीच्या क्षेत्राची निवड केली. घरच्या जबाबदाऱ्या सांभाळत आईवडील व पतीच्या पाठिंब्याने त्यांनी पुरुषाच्या मक्तेदारीला आव्हान दिले. घरातून मिळालेल्या प्रेरणेनेच मी कामावर पूर्ण लक्ष देऊ शकले, अशी प्रतिक्रिया सुरेखा यादव यांनी ‘सकाळ’ला दिली..सुरेखा यादव यांनी डेक्कन क्वीन, महिला विशेष लोकल, मालगाड्या, उपनगरी रेल्वे त्यांनी चालविली. घाट विभागातील कठीण मार्गावर त्यांनी काम केले. कल्याण मोटरमन केंद्रात प्रशिक्षण देत भावी चालकांना घडविण्याचे कामही केले..‘वंदे भारत’चेही सारथ्ययादव यांनी मार्च २०२३मध्ये सोलापूर-सीएसएमटी वंदे भारत एक्स्प्रेस चालवत मध्य रेल्वेला नवा मान मिळवून दिला. वंदे भारत एक्स्प्रेसची पहिली महिला चालक म्हणून त्यांचे नाव इतिहासात कोरले गेले. सुरेखा यांना राष्ट्रीय महिला सशक्तीकरण पुरस्कार, उत्कृष्ट लोको पायलट पुरस्कार आणि रेल्वे प्रशासनाकडून सर्वोत्तम सेवा यांसह अनेक पुरस्कार मिळाले आहेत..क्षेत्र कोणतेही असो, आव्हाने स्वीकारण्याची जिद्द आणि काम पूर्ण करण्याची चिकाटी हवी. माझ्या रेल्वेतील कारकीर्द अभिमानास्पद वाटते. वरिष्ठांचे सहकार्य आणि वेळोवेळी दिलेल्या संधीसाठी ऋणी आहे.- सुरेखा यादव, लोको पायलट, मध्य रेल्वे.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
