मुंबई : विरोधकाच्या आक्षेपाला केराची टोपली दाखवत बेस्टच्या बैठकीत डिजिटल (Digital) तिकीट यंत्रणेचे कंत्राट मंजूर करण्यात आले. डिजिटल (Digital) तिकीट (Tickets) यंत्रणेसाठी बेस्ट प्रशासनाने निविदा मागवल्या होत्या. निविदा दाखल केलेल्या २० कंपन्यांपैकी (Company) प्रत्यक्ष तीन कंपन्यांनीच प्रत्यक्ष निविदा प्रक्रियेत भाग घेतल्या. त्यापैकी झोप हॉप कंपनीचा प्रस्ताव मंगळवारी पार पडलेल्या बेस्ट समितीच्या बैठकीत मंजूर करण्यात आला.
वार्षिक उलाढालीचा निकष पूर्ण न करणाऱ्या झोपहॉप कंपनीला हे कंत्राट देण्यात आल्याने बेस्टला ३५ कोटीचा भुर्दंड सहन करावा लागेल, असा आरोप भाजपचे गटनेते प्रभाकर शिंदे यांनी केला. बेस्ट प्रशासनाने झोपहॉप कंपनीला १४ पैसे प्रति प्रवासी कंत्राट दिले असून, दुसरीकडे निविदा प्रक्रियेतून बाद झालेल्या आंतरराष्ट्रीय कंपनी सात पैसे दराने हे कंत्राट घेण्यास तयार होते; मात्र बेस्ट उपक्रमातील अधिकारी, पदाधिकाऱ्यांच्या संगनमताने यात घोळ करून, इतर अटी-शर्थीत इतर कंपन्यांना डावलून झोप हॉप कंपनीला सहा वर्षांसाठी हे कंत्राट देण्यात आले. त्यामुळे बेस्ट प्रशासन अधिक आर्थिक खड्यात जाणार असल्याचा आरोप शिंदे यांनी केला आहे.
बेस्ट समितीच्या बैठकीत डिजिटल तिकीट निविदेच्या प्रस्तावावर चर्चा होणे अपेक्षित होती; मात्र कुणालाही बोलू न देता अध्यक्षांनी प्रस्ताव मंजूर केला. त्यामुळे मर्जीतील कंत्राटदारांना कामे देण्याऱ्या शिवसेनेने पुन्हा एकदा बेस्टला खड्ड्यात घालण्याचे काम केले आहे.
- प्रभाकर शिंदे, गटनेते, भाजप
गेल्या वेळी १०८ कोटींचा प्रस्ताव होता. आता केवळ ७५ कोटींचा आहे. त्यामुळे बेस्ट उपक्रमाचा फायदाच होणार आहे. निविदा प्रक्रियेतील अटी-शर्थीची अनेक संस्थांनी पूर्तताच केली नाही. त्यामुळे इतर कंपन्या बाद झाल्या.
- आशिष चेंबूरकर, अध्यक्ष, बेस्ट उपक्रम
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
