डबेवाल्यांच्या लोकलप्रवासासाठी रेल्वेकडून अद्यापही अध्यादेश नाही; क्यूआर कोडची प्रतिक्षा

मुंबई  : सरकारने डबेवाल्यांना लोकलने प्रवास करण्याची परवानगी दिल्याने डबेवाल्यांची सेवा आजपासून सुरू होणे अपेक्षित होते. मात्र डबेवाल्यांकडे क्युआर कोड नसल्याने त्यांना रेल्वेने प्रवास कऱण्यास मनाई कऱण्यात  आली आहे.  राज्य सरकारने तोंडी सांगितले असले तरी तसा अध्यादेश रेल्वे प्रशासनाने काढला नसल्याने क्युआर कोडची प्रतिक्षा करावी लागत आहे.  

90 च्या दशकातल्या शिवसेनेच्या नगरसेवकांमध्ये नाराजी

क्युआर कोडची चौकशी करण्यासाठी “मुंबई डबेवाला असोशिएशन “ चे पदाधिकार शनिवारी मध्य रेल्वे कार्यालयात गेले असतां त्यांना तेथून रेल्वेच्या वरिष्ठ अधिकाऱ्यांशी बोलण्यास सांगण्यात आले. डबेवाल्यांनी रेल्वे अधिकाऱ्यांशी संपर्क साधला असतां, डबेवाल्यांना लोकलने प्रवास करू देण्याबाबतचा कोणताही अध्यादेश जारी झाला नसल्याचे रेल्वे कडून सांगण्यात आले. त्यामुळे डबेवाल्यांकडे क्युआर कोड नसल्याने त्यांना सध्या तरी सेवा सुरू करता आली नाही.

डबेवाले सोमवारी पुन्हा रेल्वे अधिकाऱ्यांकडे क्युआर कोडच्या चौकशीसाठी गेले. मात्र अद्याप अध्यादेश आला नसल्याचे रेल्वे अधिका-यांनी सांगितले. मात्र क्युआर कोड जरी मिळाला तरी त्यासाठी एँड्रॉईड फोनची आवश्यकता असते. ज्या डबेवाल्यांकडे ॲनड्रॉईड मोबाईल फोन आहेत त्यांना त्यांच्या मोबाईलवरून क्युआर काढता येणार आहे. मात्र बहूतांश डबेवाल्यांकडे साधे मोबाईल फोन आहेत. मोजक्याच डबेवाल्यांकडे ॲनड्रॉईड मोबईल फोन आहेत. त्यामुळे डबेवाल्यांना क्युआर कोड मिळवणे अवघड जाणार आहे.

'राज साहेब, परप्रांतिय मासेविक्रेत्यांना हटवा'; कोळी भगिनींनी मांडले गऱ्हाणे

डबेवाल्यांच्या या समसयेबाबत रेल्वे अधिका-यांशी चर्चा करण्यात आली. मात्र अध्यादेश आल्याखेरीज यावर तोडगा काढणे शक्य नसल्याचे रेल्वे अधिका-यांनी सांगितले. डबेवाल्यांकडे स्व:ताचे ओळखपत्र आहे ते ओळखपत्र प्रमाण मानून त्यांना लोकलने प्रवास करू देण्याची अनुमती द्यावी अशी विनंती मुंबई डबेवाला असोशिएशनचे अध्यक्ष सुभाष तळेकर यांनी केली आहे.

------------------------------------------

( संपादन - तुषार सोनवणे )