मंत्रिमंडळातलं नंबर दोनचं (गृहमंत्री) पद 'या' राष्ट्रवादीच्या नेत्याला मिळणार?

अश्विनी जाधव-केदारे
शुक्रवार, 22 नोव्हेंबर 2019

  • अजित पवारांना मिळणार का गृहमंत्रिपद?
  • अजित पवार नाहीत, मग कोण असेल दावेदार?

विजय शिवतारे, हर्षवर्धन पाटील यासारख्या राजकीय शत्रूंना पराभूत करत पुणे जिल्ह्यात पुन्हा एकदा राष्ट्रवादी काँग्रेसचा झेंडा अजित पवारांनी रोवला. मात्र, पक्षाला इतकं जबरदस्त यश मिळवून देणाऱ्या अजित पवारांना राज्याचं गृहमंत्रिपद मिळणार का, हाच सवाल सध्या विचारला जातोय. त्याला कारणंही तशी आहेत. अजित पवार एक जबरदस्त प्रशासक असले तरी त्यांच्यावर असलेल्या आरोपांमुळे गृहमंत्रिपदाच्या वाटेत अनेक अडचणी येऊ शकतात. मात्र, तरीही त्यांना हे पद का मिळू शकतं, याची काही कारणं पाहूया.

  • आपले काका शरद पवारांप्रमाणे अजित पवार यांनाही महाराष्ट्राची सखोल जाण आहे
  • याशिवाय अजित पवार हे उत्तम प्रशासक म्हणून ओळखले जातात
  • प्रशासनातील प्रत्येक गोष्टींची माहिती त्यांना आहे
  • त्यामुळे गृहमंत्रिपदी अजित पवारांना नेमून प्रशासनावर राष्ट्रवादीला आपली पक्की मांड ठोकता येईल

एकनाथ शिंदे मुख्यमंत्री, बच्चू कडूंना मंत्रीपदाची लॉटरी?
 

मात्र, अजित पवारांचे हेच उत्तम गुण कधीकधी त्यांच्यासाठी निगेटिव्ह ठरतात. सर्वांत पहिलं म्हणजे त्यांचा रोखठोक आणि फटकळ स्वभाव. त्यामुळे अनेकदा त्यांचा हेतू नसतानाही अनेक जण दुखावले जातात. याशिवाय अजित पवारांची जीभ घसरण्याच्या अनेक घटना घडल्यात. त्यामुळे वाद अजित पवारांना नवे नाहीत. त्यातच सिंचन घोटाळ्याच्या आरोपांचं भूत काही केल्या त्यांचा पिच्छा सोडत नाही.

अजित पवारांना गृहमंत्रिपद नाही मिळालं तर राष्ट्रवादीतून दुसरं नाव समोर येतं ते म्हणजे जयंत पाटील यांचं.

  • राष्ट्रवादी काँग्रेसच्या प्रदेशाध्यक्षपदाची जबाबदारी जयंत पाटील यांच्याकडे आहे 
  • या आधी जयंत पाटील यांनी मंत्रिमंडळात वेगवेगळी पदं भूषवलीत
  • मुंबईवरच्या २6-11च्या हल्ल्यानंतर त्यांच्याकडे गृहमंत्रिपद आलं होतं

आतील खबर : सत्ता स्थापनेसाठी आमदारांना 'या' वेळी येऊ शकतो मेसेज

राज्यात महाविकास आघाडीचं सरकार स्थापन होण्याची केवळ औपचारिकता उरलीय. त्या पार्श्वभूमीवर आता मंत्रिमंडळातलं हे नंबर दोनचं पद कोणाला मिळणार, याकडेच सर्वांचं लक्ष लागलंय.

Webtitle : these two leaders of NCP may get home minister post in Maharashtra cabinet


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: these two leaders of NCP may get home minister post in Maharashtra cabinet