Threat Call: मंत्रालय कक्षाला धमकीचा फोन; एक-दोन दिवसात अतिरेकी कारवाईची धमकी, एकाला अटक

मुंबईतील मंत्रालय नियंत्रण कक्षाला धमकीचा फोन आल्याची माहिती समोर आली आहे. येत्या एक ते दोन दिवसात अतिरेकी हल्ल्याची धमकी या फोनद्वारे देण्यात आली आहे. मंत्रालयातील नियंत्रण कक्षात हा फोन आला होता.

या फोननंतर मुंबई पोलीस सतर्क झाले आहेत. एक-दोन दिवसात अतिरेकी हल्ल्याची धमकी या फोनच्या माध्यमातून देण्यात आली आहे.

मिळालेल्या माहितीनुसार, मंत्रालयातील नियंत्रण कक्षाला हा धमकीचा फोन आला. एक दोन दिवसात अतिरेकी हल्ला करण्याची धमकी या फोनद्वारे देण्यात आली आहे. काल (सोमवारी रात्री १० वाजता) मंत्रालय नियंत्रण कक्षातील लँडलाईनवर हा धमकीचा फोन आला आहे.

अतिरेकी हल्ला नेमका कोणत्या ठिकाणी होणार याचं स्थळ धमकीच्या फोनमध्ये सांगण्यात आलेलं नाही. धमकीचा फोन येताच याची माहिती पोलिसांना देण्यात आली आहे. यानंतर मुंबई पोलीस सतर्क झालेत. धमकीचा कॉल ट्रेस करण्याचे काम सुरू आहे. तसेच तपासात कांदिवली येथून एका संशयित व्यक्तीला ताब्यात घेण्यात आलं आहे.

धमकीच्या फोनमध्ये खरंच काही तथ्य आहे का? याची पडताळणी मुंबई पोलीस करत आहेत. दोन दिवसांपूर्वी मुंबई पोलिसांना देखील धमकीचा फोन आला होता. मुंबई लोकल ट्रेनमध्ये साखळी बॉम्बस्फोट करण्याची धमकी यावेळी देण्यात आली होती.