जेलमधून सुटल्यावर घरफोड्या करणारा सराईत गुन्हेगार 'गब्बर' गजाआड

मुंबईः भिवंडी तालुक्यातील भूमी इंडस्ट्रियलमधील कृष्णा फॅब्रिक्सच्या गोदामातून कापडाची चोरी करताना गब्बर नावाच्या सराईत गुन्हेगारास पोलिसांनी अटक केली आहे.  7 लाख 68 हजार रुपयांचे सोफ्याकरिता लागणारे कापडाचे वेगवेगळ्या कंपनीचे रोल एका टेम्पोत मध्यरात्रीच्या वेळी भरून हा गुन्हेगार पळवत होता. त्याच वेळेस या सराईत गुन्हेगारास त्यांच्या दोन साथीदारासह पोलिसांनी ताब्यात घेतलं आहे.

कोनगाव पोलिस ठाण्याचे गणपत पिंगळे यांनी आपल्या पथकासह मोठ्या शिताफीतीने कारवाई केली आहे. या प्रकरणी गुन्हा दाखल करून इतर काही गुन्हे उघडकीस येण्याची शक्यता पोलिस उपाआयुक्त योगेश चव्हाण यांनी आयोजित केलेल्या पत्रकार परिषदेत दिली. गब्बर उर्फ अजय हरिजन ( 35, रा. ऐरोली, नवीमुंबई ) मोहम्मद इरफान जैनुल आबिदिन शेख (27,रा, वडाळा मुंबई) संतोष खरात (38, रा. एरोली, नवीमुंबई ) असे लाखोंच्या घरफोडी अटक केलेल्या आरोपींचे नावे आहेत.

भिवंडी तालुक्यातील कोनगाव भागातील भूमी इंडस्ट्रियल मधील कृष्णा फॅब्रिक्सच्या गोदामातून 7 लाख 68 हजार रुपयांचे सोफ्याकरिता लागणारे कापडाचे वेगवेगळ्या कंपनीचे रोल एका टेम्पोत भरून 28 नोव्हेंबर रोजी रात्रीच्या सुमारास चोरून नेले होते. याप्रकरणी कोनगाव पोलिस ठाण्यात  घरफोडीचा गुन्हा दाखल करण्यात आला होता.

अधिक वाचा- मुंबई काँग्रेस अध्यक्षांच्या निवडीसाठी ब्लॉक अध्यक्षांना खास दिल्लीहून फोन

या गुन्ह्याच्या तपासासाठी ठाणे पोलिस आयुक्त विवेक फणसळकर यांच्या आदेशानुसार सहाय्यक पोलिस आयुक्त प्रशांत ढोले, पोलिस निरीक्षक गणपत पिंगळे यांचे विशेष पथकाची नेमणूक करण्यात आली.  त्यामुळे सदर पोलिस पथकाने चोरी झालेल्या परिसरातील सीसीटीव्ही फुटेज तपासले असता, एक टेम्पो त्या दिवशी जाताना दिसला. या टेम्पोच्या नंबरवरून पोलिस घरफोड्या 'गब्बर' आणि त्याच्या साथीदारांपर्यत पोहचले आणि त्यांना पोलिसांनी अटक केली. 

मुंबई विभागातल्या बातम्या वाचण्यासाठी येथे क्लिक करा.

गब्बर हा काही दिवसांपूर्वीच जेलमधून सुटला असल्याची माहिती पोलिस उपाआयुक्त चव्हाण यांनी दिली. या आरोपी त्रिकूटांकडून चोरीला गेलेला संपूर्ण मुद्देमालासह टेम्पो जप्त करण्यात आला आहे. आरोपींकडून अजून काही गुन्हे उघडकीस येण्याची शक्यता आहे. पोलिसांनी या प्रकरणी गुन्हा दाखल केला असून अधिक तपास पोलिस निरीक्षक पिंगळे करत आहे. 

-----------------------------

(संपादन- पूजा विचारे)

Three burglars arrested thane Bhiwandi Gabbar main accused