Mumbai News : ठाणे जिल्ह्यातील नदी प्रदूषण रोखण्यासाठी टँकरला बंदी

डोंबिवली - ठाणे जिल्ह्यातील नद्या प्रदूषित झाल्या आहेत. एमआयडीसी मधील कारखान्यांतून रासायनिक सांडपाणी हे प्रक्रिया न करता अनेकदा तसेच सोडले जाते. त्यातच रात्रीच्या वेळेस नाले, खाडी, नदी पात्रात टँकर मधून रासायनिक सांडपाणी आणून ते टँकर रिते केले जात असल्याची बाब उघड झाली आहे.

हे नदी प्रदूषण रोखण्यासाठी ठाणे जिल्ह्यातील डोंबिवली ,अंबरनाथ, बदलापूर एमआयडीसी परिसरात रात्रीच्या वेळेस सर्व प्रकारच्या टँकरला बंदी घालण्यात आली आहे. ही बंदी अद्यापही कायम ठेवण्यात आली आहे. 12 जुलै पर्यंत ही बंदी कायम करण्यात आली आहे.

ठाणे जिल्ह्यातील डोंबिवली, अंबरनाथ, अतिरिक्त अंबरनाथ व बदलापूर औद्योगिक क्षेत्रामध्ये टँकरच्या माध्यमातून धोकादायक केमिकल नदीच्या पात्रात सोडले जाते. त्यामुळे पाणी प्रदूषित होवून लोकांच्या आरोग्यास धोका व नदीतील जैवविविधतेवर परिणाम होतो.

या वर आळा घालण्यासाठी ठाणे शहर विशेष शाखेचे पोलीस व वाहतूक पोलिसां कडून औद्योगिक क्षेत्रामध्ये सर्व प्रकारच्या टँकर वाहतुकीला रात्रीच्या वेळेस बंदी घालण्यात आली आहे. ही बंदी अजून ही कायम ठेवण्यात आली आहे.

14 मे पासून 12 जुलैपर्यंत संध्याकाळी 6 ते सकाळी 6 वाजेपर्यंतच्या कालावधीत सर्व प्रकारच्या टँकर वाहतुकीला बंदी घालण्यात आली आहे. औद्योगिक क्षेत्रामध्ये टँकरच्या माध्यमातून धोकादायक केमिकल नदीच्या पात्रात सोडले जाते.

यामुळे नदी पत्रातील पाणी प्रदूषित होऊन लोकांच्या आरोग्या धोका व नदीतील जैवविविधतेवर परिणाम होत असल्याने हा निर्णय घेण्यात आला आहे. या मनाई आदेशाचे उल्लंघन करणाऱ्यांवर कारवाई करण्यात येणार असल्याचे ठाणे शहर विशेष शाखेकडून सांगण्यात आले आहे.

औद्योगिक क्षेत्रात रात्रीच्या वेळेस टँकर वाहतुकीला बंदी आधीच घालण्यात आली आहे. त्या मनाई आदेशाची मुदत वाढ करण्यात आली आहे. या आदेशाचे उल्लंघन करणाऱ्यांवर कारवाई केली जाईल.

मंदार धर्माधिकारी, सहाय्यक पोलीस आयुक्त, वाहतूक विभाग कल्याण