मुंबई: मुंबईत आज तब्बल 1,854 रुग्णांची नोंद झाली. त्यामुळे मुंबईतील एकूण रुग्णसंख्या 1,39,532 झाली आहे. तर, आज 28 रुग्णांचा मृत्यू झाला असून मृतांचा आकडा 7,502 वर पोचला आहे. आज 776 रुग्ण बरे होऊन घरी गेले. मुंबईतील रुग्ण बरे होण्याचा दर हा 81 टक्के इतका आहे. आयसीएमआरच्या संकेतस्थळावर मुंबईतील कालच्या उर्वरित रूग्णांची नोंद आज केल्याने रूग्णांचा आकडा वाढल्याचे सांगण्यात आले.
मुंबईत आज नोंद झालेल्या 28 मृत्यूंपैकी 22 जणांना दीर्घकालीन आजार होते. मृतांमध्ये 19 पुरुष आणि 9 महिलांचा समावेश होता. त्यापैकी 22 रुग्णांचे वय 60 हून अधिक होते. तर 6 रुग्ण 40 ते 60 वयोगटादरम्यान होते. दरम्यान, मुंबईत आतापर्यंत 1,12,743 रुग्णांना घरी सोडण्यात आले. मुंबईत रुग्ण दुपटीचा दर हा 93 दिवसांवर गेला आहे. 25 ऑगस्टपर्यंत एकूण 6,25,519 कोव्हिड चाचण्या करण्यात आल्या. तर 19 ऑगस्ट ते 25 ऑगस्ट दरम्यान रुग्णवाढीचा दर 0.75 टक्के इतका आहे.
575 कंटेन्मेंट झोन
मुंबईत 575 वस्त्या आणि झोपडपट्टया कंटेन्मेंट झोन म्हणून जाहीर करण्यात आले आहेत. तर सक्रिय सीलबंद इमारतींची संख्या 5,666 आहे. गेल्या 24 तासात बाधितांच्या संपर्कात आलेले 2,627 संशयित मुंबईत आढळले आहेत.
-------------------------------------------
( संपादन - तुषार सोनवणे )
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.