अतिरिक्त विजेचा राज्याला आधार | Sakal
sakal

बोलून बातमी शोधा

अतिरिक्त विजेचा राज्याला आधार
अतिरिक्त विजेचा राज्याला आधार

अतिरिक्त विजेचा राज्याला आधार

sakal_logo
By

अतिरिक्त विजेचा राज्याला आधार
भारनियमनाचे संकट टळले

मुंबई, ता. २३ : उष्णतेच्या लाटांमुळे विजेच्या मागणीत वाढ झाली आहे. ग्राहकांची विजेची मागणी पूर्ण करण्यासाठी महावितरण कंपनीला अतिरिक्त वीज उपलब्ध झाल्याने शनिवारी (ता. २३) राज्यात भारनियमन करण्यात आले नसल्याचा दावा, महावितरणच्या अधिकाऱ्यांनी केला आहे. खासगी वीज कंपन्यांसोबतच पॉवर एक्स्चेंजमधून वीज घेण्यात येत असल्याने शुक्रवारी (ता. २२) रात्रीपासून भारनियमन केले नसल्याचे महावितरणच्या अधिकाऱ्याने सांगितले.

कोळसाटंचाईमुळे देशात विजेचे संकट निर्माण झाले आहे. कोळशाअभावी महानिर्मिती आणि अदाणी या दोन्ही वीजनिर्मिती कंपन्यांकडून महावितरणला कमी वीज उपलब्ध होत होती. त्यामुळे विजेची तूट निर्माण झाल्याने राज्यात भारनियमन करावे लागले होते. महानिर्मितीकडून महावितरणला साधारणत: ६,८०० मेगावॉट वीज मिळत होती. त्यामध्ये वाढ होऊन आता ती ७,५०० मेगावॉटपर्यंत वीज मिळत आहे. अदाणी पॉवर कंपनीकडून ३,०११ मेगावॉटपर्यंत विजेची उपलब्धता झाल्याने राज्यातील भारनियमन टप्प्याटप्प्याने कमी करण्यात आले आहे. पॉवर एक्स्चेंजमधून वीज घेऊन विजेची मागणी पूर्ण केल्याने राज्यात शनिवारी भारनियमन करावे लागले नसल्याचे महावितरणमधील अधिकाऱ्याने सांगितले. राज्यात शनिवारी २४ हजार मेगावॉटहून अधिक विजेची मागणी नोंदवली गेली आहे.

Web Title: Todays Latest Marathi News

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top