‘माथेरान वॉरिअर्स’ धनगर समाज कबड्डी प्रीमियर लीगचा मानकरी

पाली, ता. २१ (वार्ताहर) : रायगड जिल्हा धनगर समाज कबड्डी प्रीमियर लीग स्पर्धा नुकतीच पोयनाड येथे झाली. स्पर्धेत ‘माथेरान वॉरिअर्स’ संघाने प्रथम पारितोषिक पटकावले आहे. स्पर्धेचे हे पहिले वर्ष आहे.
स्पर्धेमध्ये १२ संघ आणि १५० पेक्षा अधिक खेळाडू सहभागी झाले होते. स्पर्धेत द्वितीय क्रमांक वैभव वॉरिअर्स, तृतीय क्रमांक वेद चॅलेंजर, चतुर्थ क्रमांक मुद्रा बॉईज यांनी पटकावला; तर उत्कृष्ट पकडीचा मानकरी कल्याण हाके आणि उत्कृष्ट रायडरचा मानकरी केशव आखाडे आणि उत्कृष्ट खेळाडूचा मानकरी सुमीत ढेबे ठरला आहे. सर्व विजेत्या संघांना व खेळाडूंना रोख रक्कम व आकर्षक चषक देण्यात आले.
या वेळी जय मल्हार धनगर समाज रायगड जिल्हा अध्यक्ष मधुकर ढेबे, पांडुरंग आखाडे, राजू आखाडे, पांडुरंग आखाडे, बाळासाहेब आखाडे, पांडुरंग बाबू आखाडे, भाऊ झोरे, आनंदराव कचरे, संतोष झोरे, रामभाऊ केंडे, हरीश ढेबे, आनंद हिरवे, आनंद कोकळे, महेश झोरे, धाऊ केंडे, संदीप ढेबे, राया ढेबे, लक्ष्मण ढेबे व झिमा बोडेकर आदी मान्यवर उपस्थित होते.