गंधार दिनदर्शिकेचे अनावरण

गंधार दिनदर्शिकेचे अनावरण ठाणे, ता. ५ (बातमीदार) : ठाणे शहरातील गंधार ही नाट्य संस्था अनेक वर्षांपासून नवोदित कलाकारांना घडवण्याचे कार्य करीत आहे. या संस्थेच्या वतीने प्रकाशित केल्या जाणाऱ्या गंधार दिनदर्शिकेचा अनावरण सोहळा नुकताच पार पाडला. या सोहळ्याला आमदार संजय केळकर, कोसमापचे कार्याध्यक्ष डॉ. प्रदीप ढवळ आदी उपस्थित होते. अनावरणावेळी आमदार संजय केळकर यांनी संस्थेच्या सर्व कार्यकर्त्यांचे कौतुक केले. उत्तम संस्कार ही आजची गरज आहे. प्रत्येक घरात आईने जिजामाता होण्याची आज आवश्यकता आहे, असे मत ज्येष्ठ साहित्यिक प्रा. प्रदीप ढवळ यांनी व्यक्त केले.