तिसऱ्या लाटेत मुंबई पालिकेचे १७२ कर्मचारी बाधित | Sakal
sakal

बोलून बातमी शोधा

तिसऱ्या लाटेत मुंबई पालिकेचे १७२ कर्मचारी बाधित
तिसऱ्या लाटेत मुंबई पालिकेचे १७२ कर्मचारी बाधित

तिसऱ्या लाटेत मुंबई पालिकेचे १७२ कर्मचारी बाधित

sakal_logo
By
तिसऱ्या लाटेत पालिकेचे १७२ कर्मचारी बाधित सकाळ वृत्तसेवा मुंबई, ता. ६ : कोविडच्या तिसऱ्या लाटेचा फटका आता महापालिकेलाही बसू लागला आहे. गेल्या १८ दिवसांत पालिकेच्या १७२ कर्मचाऱ्यांना कोविडची बाधा झाली आहे. आतापर्यंत कोविडबाधित होणाऱ्या कर्मचाऱ्यांची संख्या सात हजार २१ वर पोहचली आहे. डिसेंबरअखेर महापालिकेच्या २५० हून अधिक कर्मचाऱ्यांचा मृत्यू झाला आहे. डिसेंबरच्या दुसऱ्या पंधरवड्यात मुंबईतील कोरोना रुग्णांची संख्या वाढू लागली आहे. १७ डिसेंबर ते ५ जानेवारीदरम्यान मुंबईत ६७ हजार नव्या रुग्णांची नोंद झाली. १७२ जणांमध्ये प्रामुख्याने कामगारांचा समावेश आहे. उपायुक्त दर्जाच्या चार अधिकाऱ्यांनाही कोरोना झाला आहे. बाधित कर्मचाऱ्यांना सेव्हन हिल्स रुग्णालयात दाखल करण्यात आले आहे. बहुतांश कर्मचाऱ्यांना रुग्णालयात दाखल होण्याची गरज नसल्याने विलगीकरणात ठेवण्यात आले असल्याचे पालिकेकडून सांगण्यात आले. २५९ जणांचा मृत्यू झाला मुंबई महापालिकेच्या सात हजार ६८ कर्मचाऱ्यांना आतापर्यंत कोविडची बाधा झाली आहे. त्यातील २५९ जणांचा मृत्यू झाला आहे. सहा हजार ५२९ जणांनी कोविडवर मात केली आहे. घनकचरा विभागातील सर्वाधिक ५७ कर्मचाऱ्यांचा मृत्यू झाला आहे. सर्व विभागांतील ड श्रेणीतील २२८७ कामगारांना कोविडची बाधा झाली आहे.
Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top