डोंबिवली : रस्त्याच्या कडेला उभ्या केलेल्या रिक्षा, दुचाकी चोरणारा अट्टल चोर रोशन म्हात्रे (thief arrested) याला रामनगर पोलिसांनी बेड्या (ramnagar police) ठोकल्या आहेत. त्याच्याकडून चोरी केलेल्या दोन रिक्षा व मोटरसायकल असा एकूण २ लाख ६० हजार रुपये किमतीचा मुद्देमाल हस्तगत करण्यात आला आहे. टिळकनगर व डोंबिवली पोलिस ठाण्यातील प्रत्येकी दोन असे एकूण ४ गुन्हे उघडकीस आले आहेत. (Ramnagar police arrested thief roshan mhatre in robbery crime)
डोंबिवली पूर्वेतील फडके रोड परिसरात उभी केलेली चंद्रेश मुंवरकर (वय ३८) यांची दुचाकी चोरीला गेल्याची तक्रार त्यांनी ११ मे रोजी रामनगर पोलिस ठाण्यात नोंदविली होती. रामनगर पोलिस ठाण्याचे पोलिस उपनिरीक्षक संदीप शिंगटे, पोलिस हवालदार विशाल वाघ, शंकर निवळे, पोलिस नाईक प्रशांत सरनाईक, जयपाल मोरे, वैजनाथ रावखंडे हे ४ जानेवारीला पेट्रोलिंगवर असताना रात्री ९.३० च्या सुमारास पोलिस हवालदार विशाल वाघ यांना गुप्त बातमीदारामार्फत रोशन म्हात्रे हा मोटरसायकलचोर सुनील नगर, नांदिवली नाला परिसरात येणार असल्याची माहिती मिळाली.
मिळालेल्या माहितीच्या आधारे पोलिसांनी सापळा रचून रोशन याला अटक केली. त्याने एकूण चार गुन्ह्यांची कबुली दिली असून त्याच्याकडून २ लाख ६० हजार रुपये किमतीचा मुद्देमाल हस्तगत करण्यात आला आहे.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.