पालघरमध्ये विद्यार्थ्यांचे लसीकरण

अणुविकास विद्यालय लसीकरण पालघर, ता. ९ (बातमीदार) ः प्राथमिक आरोग्य केंद्र, दांडी व जीवन विकास शिक्षण संस्था पालघर यांच्या संयुक्त विद्यमानाने शनिवारी (ता. ८) अणु विकास विद्यालय, दांडी येथे विद्यार्थ्यांचे लसीकरण करण्यात आले आहे. डॉ. संजय काकडे व संस्थेचे कार्याध्यक्ष वागेश कदम यांच्या मार्गदर्शनाखाली लसीकरण मोहीम राबवण्यात आली. विद्यालयातील १७६ विद्यार्थ्यांचे लसीकरण पूर्ण झाले. लसीकरण मोहीम यशस्वी करण्यासाठी मराठी माध्यम मुख्याध्यापक अजय राऊत, पर्यवेक्षक शशिकांत चौधरी, इंग्रजी माध्यम मुख्याध्यापिका रेश्मा म्हात्रे तसेच डॉ. निकिता शर्मा व प्राथमिक आरोग्य केंद्राच्या परिचारिका व आशाताई यांचे सहकार्य लाभले.