आरे कॉलनीतील अंतर्गत रस्ते होणार चकाचक; दुरुस्ती कामास सुरुवात

जोगेश्वरी : आरे कॉलनीतील (Mumbai aarey road) अंतर्गत रस्त्यांच्या दुरुस्तीच्या कामाला मयर नगर बस थांबा येथे शनिवारपासून (ता. ८) सुरुवात (road repairing) करण्यात आली. या वेळी आरेतील एकूण चार अंतर्गत रस्ते दुरुस्तीच्या कामाचा आरंभ झाला. या दुरुस्तीसाठी एक कोटी ९७ लाख रुपये सार्वजनिक बांधकाम विभागाकडून मंजूर करण्यात आले आहेत; तर लवकरच मुंबई महापालिकेकडून (bmc) रुपये ४७ कोटी खर्चून आरेतील सुमारे सात किलोमीटरच्या मुख्य रस्त्याच्या कामाचे भूमिपूजनही उपनगर जिल्हा पालकमंत्री आदित्य ठाकरे (Aditya Thackeray) यांच्या हस्ते होणार आहे. (Mumbai aarey roads reparimg works started as bmc gives funding)

आरे कॉलनीतील कार्यकारी अभियंत्यांमार्फत अंतर्गत १० रस्ते प्रस्तावित केले होते. त्‍यानुसार यात मयूर नगर बस थांबा ते आरे युनिट क्र. ५ मार्केटपर्यंतचा रस्ता (१५०० मीटर), आरे युनिट क्र. ६ आरे रुग्‍णालय युनिट क्र. १६ पर्यंतचा रस्‍ता (६०० मीटर), पिकनिक पॉइंट ते आरे युनिट क्र. २६ पर्यंतचा रस्ता (२५० मीटर) व छोटा काश्मीर उद्यान गेट ते आरे युनिट क्र. ३१ पर्यंतचा (२५० मीटर) या रस्तेदुरुस्तीचा पहिल्या टप्प्यात समावेश करण्यात आला आहे.

त्यासाठी एक कोटी ९७ लाख रुपये खर्चास मंजुरी मिळाली आहे, अशी माहिती जोगेश्‍वरीचे आमदार रवींद्र वायकर यांनी दिली. याप्रसंगी विश्‍वनाथ सावंत, नगसेविका रेखा रामवंशी, सार्वजनिक बांधकाम विभागाचे अभियंता कदम, भाई मिर्लेकर, बाळा तावडे, संदीप गाढवे, अपर्णा परळकर, हर्षदा गावडे, मयूरी रेवाळे, सुरेखा गुटे, पूजा शिंदे आदी उपस्थित होते.