कोरोना रुग्ण वाढले तरी वसई-विरारमध्ये इमारतींना सील नाही

वसई : कोरोनाबाधितांची (corona patients) आकडेवारी दिवसेंदिवस वाढत असली तरी इमारती सील न करण्याचा निर्णय (building not sealed) वसई-विरार महापालिकेने (vasai-virar municipal corporation) घेतला आहे. नागरिकांनी तरीही नियमांचे पालन आवश्‍य करावे, असे आवाहन पालिका आयुक्त गंगाथरन डी. यांनी केले आहे. वसई-विरार पालिका क्षेत्रात पाच हजार ३२२ कोरोनाबाधित विविध रुग्णालयांत उपचार घेत आहेत. पालिका हद्दीत चार रुग्णालये तसेच कोविड केंद्रांची व्यवस्था करण्यात आली आहे. (corona patients increases in vasai-virar but building not sealed)

जर कोणाला लक्षणे वाटली, तर कोरोना चाचणी केली जात आहे. प्रशासनाने ऑक्सिजनचा पुरेसा साठाही सज्ज ठेवला आहे. दरम्यान, गृहसंकुल सील न करण्याचा निर्णय घेण्यात आला असला तरी ज्यांना कोरोनाची लागण झाली आहे त्यांना घरी सात दिवस क्वारंटाईन बंधनकारक केले आहे.

"ज्या इमारतीत असे रुग्ण आढळतील त्यांच्या आरोग्याची काळजी घ्यावी, असे आवाहन पालिकेने केले आहे. इमारती सील करण्याचा निर्णय घेण्यात आलेला नाही, परंतु रहिवाशांनी कोरोनाचा प्रादुर्भाव वाढू नये, आपल्या आरोग्याची हेळसांड होऊ नये याकरिता काळजी घेणे आवश्यक आहे. विनाकारण घराबाहेर पडू नये, नियमांचे पालन करावे."

- अजिंक्य बगाडे, अतिरिक्त आयुक्त, वसई-विरार महापालिका