महिलांना सॅनिटाइजर, मास्कचे वाटप

महिलांना सॅनिटायझर, मास्कचे वाटप शिवडी, ता. ९ (बातमीदार) ः महाराष्ट्र पोलिस वर्धापनदिन रेझिंग डे सप्ताहाच्या सांगता सोहळ्यानिमित्त शनिवारी (ता. ८) डिसेंबर रोजी वडाळा लोहमार्ग पोलिस ठाण्यात महिला दक्षता समितीची बैठक पार पडली. यात महिला सुरक्षा व कोरोनाच्या नियमांचे पालन करण्याबाबत चर्चा करण्यात आली. तसेच महिलांना सॅनिटायझर व मास्कचे वाटप करण्यात आले. वडाळा रेल्वे पोलिस ठाणे प्रभारी अधिकारी डी. एम. खुपेरकर यांच्या मार्गदर्शनाखाली या सप्ताहात कोरोनाच्या पार्श्वभूमीवर जनजागृती करण्यात आली.