पुरातन बुडक्या विहिरी स्वच्छ केल्या

वन कर्मचाऱ्यांनी स्वच्छ केल्या पुरातन बुडक्या विहिरी किन्हवली, ता. १० (बातमीदार) : ढाढरे परिसरातील करपटवाडी नाल्यात असलेल्या बुडक्या विहिरी नामशेष होण्याच्या मार्गावर आहेत. वन कर्मचाऱ्यांनी श्रमदानातून या विहिरी स्वच्छ केल्या आहेत. आता परिसरातील पशू-पक्ष्यांच्या पाण्याचा प्रश्न सुटला आहे. शहापूर वन विभागाच्या धसईचे वनपरीक्षेत्र अधिकारी दर्शन ठाकूर हे ढाढरे परिसरातील करपटवाडी येथे गस्त घालत असताना गुरू नाल्याजवळ त्यांना तीन पुरातन बुडक्या विहिरी दिसल्या. नाल्यातील गाळ व चिखलाने त्या पूर्ण भरल्या असून त्या आता नामशेष होण्याच्या मार्गावर आल्याचे लक्षात आले. ठाकूर व त्यांच्या सहकारी कर्मचाऱ्यांनी श्रमदानातून त्या स्वच्छ केल्या. बुडक्या विहिरीतील चिखल, दगडगोटे जेसीबी यंत्राद्वारे काढून त्या साफ केल्या. यात ग्रामस्थांनीही सहभाग घेतला.